Motra e terroristit të masakrës së Mançesterit, ku humbën vetëm 22 persona, në një intervistë foli për shkaqet që mund ta kenë shtyrë vëllain të bëjë këtë krim.
18-vjeçarja Jomana Abedi pohoi se, vëllai i saj Salman mund të jetë shtyrë për të kryer vrasjen, sepse donte hakmarrje për “eksplozivët amerikanë që bien mbi fëmijët në Siri”.
Ajo u shpreh se është krejtësisht e habitur nga ajo çfarë i vëllai bëri mbrëmjen e së hënës dhe se ai gjithmonë ka qenë i dashur dhe shumë i sjellshëm. Duke folur për “Wall Street” tha se, ai mund të ishte nxitur nga ajo që e shikonte si padrejtësi.
“Unë mendoj se ai ka parë fëmijët myslimanë të vdisnin kudo dhe ka dashur të hakmerret. Por forma që zgjodhi është diçka mes tij dhe Zotit”, u shpreh 18-vjeçarja.
Por gjithsesi, deklaratat e saj, janë quajtur si të pavenda, pasi kur ndodhemi përpara një situate të tillë, justifikimet janë ato që ndihmojnë më pak.
Një mik i familjes gjithashtu pretendoi se ishte vrasja e shokut 18-vjeçar të Abedi-t, që e shtyu atë të vriste.
Shoku i tij Abdul Wahab Hafidah u vra dhe u godit me thikë në Mançester në maj të 2016-s, në atë që besohet se ishte vrasja e gangsterëve (grupeve kriminale).
Një mik i familjes tha se, Abedi ishte “zotuar për hakmarrje” në funeralin dhe ai e pa vrasjen si një krim urrejtjeje.
Ata shtuan se Abedi u bë gjithnjë e më fetar dhe i interesuar për grupet ekstremiste.
Babai i terroristit: Nuk besojmë në vrasjen e të pafajshmëve
Para arrestimit të tij në Tripoli, babai i Abedi-t tha se djali i tij ishte prekur nga vdekja.
Ai i tha “New York Times”: “Po, një shok i tij u vra nga bandat e Mançesterit, por kjo nuk do të thotë se ai e ka kryer sulmin për të.”
Ramadan Abedi, u arrestua nga persona të maskuar në Tripoli, ndërsa ishte duke regjistruar një intervistë televizive në vend.
Ai pretendoi se djali i tij dukej “normal” kur kishte folur me të 5 ditë më parë dhe këmbënguli: “Ne nuk besojmë në vrasjen e të pafajshmëve”.
Burimi: Daily Mail
