Politika ka futur në sherr dy aktorët e humorit, Julian Dedën e Erjon Isain.
Ata u përplasën në rrjetin social “Facebook”, pas publikimit të një fotografie nga ish-kryeministri Sali Berisha, ku shfaqet një tren jo i zakontë, që në fakt ngjan me një organ mashkullor.
Foto e trenit u shpërnda në rrjetet sociale duke akuzuar kryebashkiakun Erion Veliaj sikur kishte ndërtuar diçka të tillë në Tiranë, ku në fakt ajo rezultonte realisht në një park në Poloni.
Kjo fotografi ka tërhequr vëmendjen e aktorit Julian Deda, i cili e ka shpërndarë duke u tallur në rrjetin social “Facebook”. Por, kolegu i tij Erion Isai nuk e ka pritur mirë që Deda merret e bën politikë me të tilla fotografi.
Pjesë nga debati në Facebook:
Erion Isai: Nuk të takon ty miku im. Keqardhje
Julian Deda: Erion Isai, je fut politikës? Hallall. Më bëhet qejfi.
Erion Isai: Patjeter Julian Deda, dhe pres shumë nga ty si djalë i shkolluar e perëndimor mos ketë politikë me “goditje nën brez”. Suksese ne parlament.
Julian Deda: Ti pret nga unë??? Hahah u rrite ti Çuçkeeee??!?
Erion Isai: Une i rritur kam qenë dhe jam o Refik. Përderisa i ke hyrë politikës nga ty duhet të pres unë; e te gjithë. Kjo qeshja jote tregon se në fakt nga ty duhet të presin ata që të kanë emëruar të bësh të tilla statuse.
