Të gjitha pikëpyetjeve mbi ndërhyrjet estetike, këngëtarja Fjolla Morina u ka dhënë një përgjigje të drejtpërdrejtë.
E ftuar në emisionin Rudina, Fjolla ka treguar “sekretin” që fshihet pas ndryshimeve në fizikun e saj, duke treguar trupin për kamerat.
“Është e vërtetë që kam bërë një ndërhyrje, por nuk ka të bëjë me operacion plastik, por lipostucion, pra thithje dhjami… Pas lindjes, mora shumë kilogramë, rreth 15, ndaj edhe e kisha të nevojshme të hiqja dhjamin që më ishte krijuar”, tregon Fjolla duke hedhur poshtë të gjithë zërat për zmadhim vithesh.
E pyetur për të tjera ndërhyrje në trupin e saj, ajo thotë prerë: “Asgjë tjetër”, madje edhe aludimeve për ndërhyrje në portret, u përgjigjet, “Kurrë në jetë fytyrën s’e prek”.
Tashmë kanë kaluar katër muaj nga ndërhyrja dhe faza e rikuperimit nuk ka qenë edhe aq e lehtë. Megjithatë, Fjolla do t’ua këshillonte të gjitha nënave që e shohin të domosdoshme për ta bërë diçka të tillë, por vetëm pas lindjes.
“Mendoj se një ndërhyrje të tillë, çdo femër mund ta bëjë, por vetëm pas lindjes. Mendoj se ato që nuk kanë lindur dhe nuk kanë fëmijë, s’kanë nevojë ta bëjnë”, është shprehur Fjolla.
