Koncerti i Ariana Grande në Mançester, Angli, të hënën e 22 majit përfundoi me një evakuim masiv emergjent, plagosje të shumta dhe vdekje, pas një shpërthimi Përfaqësuesi i këngëtares tha se, ajo është “Ok”-ej.
Sipas TMZ, shpërthimet ndodhën në fund të koncertit të Grande në Manchester Arena. Fansat thuhet se u përleshën me punonjësit e sigurisë, ndërsa kapnin balonat rozë që u hodhën në turmë në fund të shfaqjes. Një burim i tha TMZ-së se, Ariana Grande sapo ishte larguar nga skena kur të gjithë dëgjuan shpërthimin. Ata që ishin pjesë e koncertit ndanë nëpër media lajmin se kishte “gjak kudo” dhe se njerëzit ishin “plagosur dhe gjakosur”.
Nga shpërthimi janë raportuar 22 viktima dhe mbi 59 të plagosur, mes të cilëve edhe fëmijë.
The chaos outside #manchesterarena when we were all trying to get out?I hope everyone is okay ❤️ #Manchester pic.twitter.com/ISgx3AzJTF
— jordan mcbrearty (@JSMcbrearty) May 22, 2017
Ende nuk dihen shkaqet e shpërthimit, ndërkohë që autoritetet vendase po shqyrtojnë mbi dyshimet e një sulmi terrorist.
“Të gjithë filluan të vrapojnë dhe të ulërinin. Në tokë shikoje telefona dhe sende personale të njerëzve, të cilët ishin të frikësuar dhe duke qarë”, tregoi një dëshmitar okular.
Policia vendase bën thirrje që njerëzit të qëndrojnë sa më larg vendit të ngjarjes, ndërkohë që është mbyllur edhe stacioni i metrosë, Manchester Victoria, që ndodhet shumë pranë vendit ku ndodhi shpërthimi.
Loud bang can be heard in video taken outside Manchester Arena amid reports of explosion. https://t.co/zEacQKswVv pic.twitter.com/3s2Ma0FqjO
— ABC News (@ABC) May 22, 2017
“U krye nga një kamikaz”
Shefi i policisë së Mançesterit, Ian Hopkins ka konfirmuar pistën e terrorizmit.
“Personi që sulmoi “Manchester Arena” ka vdekur në vendin e ngjarjes menjëherë pasi ka aktivizuar eksplozivin”, ka deklaruar Hopkins, i cituar nga BBC.
Zyrtari i lartë ka shtuar se hetuesit po përpiqen të zbulojnë nëse personi ka vepruar i vetëm apo ka patur bashkëpunëtorë.
Evacuado Manchester Arena durante concierto de Ariana Grande por un ‘incidente serio’; hay muertos. pic.twitter.com/QrFdKixJ7R
— @AereoMeteo (@AereoMeteo) May 22, 2017
Britania ndërpret fushatën elektorale
Ndërkohë, kryeministrja britanike Theresa May ka publikuar një mesazh ngushëllimi dhe solidariteti për familjet e viktimave.
“Ngjarja po hetohet si një sulm i tmerrshëm terrorist”, ka deklaruar May në një komunikatë të shpërndarë nga Downing Street.
Ndërkohë, fushata elektorale në mbarë Britaninë e Madhe është ndërprerë për shkak të sulmit; ndërsa është paralajmëruar një mbledhje e qeverisë dhe Komitetit të emergjencës Cobra, me kërkesë të kryeministres.
Burimi: Glamour
