Mariah Carey është një femër që herë pas herë na surprizon. 47-vjeçarja ka postuar një fotografi në llogarinë e saj të “Instagram”-it ku shihet me ish-të dashurin e saj, 33-vjeçarin Brayn Tanaka.
Nuk është ende e qartë se, cili është kuptimi i këtij postimi, nëse këngëtarja ka vendosur t’i rikthehet romancës me balerinin apo ajo është ndjerë thjesht nostalgjike.
Në mbishkrimin e fotos ajo ka shënuar vetëm hashtagun “fbf”, që përkthehet si kthim pas. Me këtë mund të kuptojmë se këngëtarja ka dashur të rikthejë një imazh të bërë kohë më parë me të.
Carey dhe Tanaka përfliten se i kanë dhënë fund lidhjes së tyre rreth 5 javë më parë, ku sipas thashethemeve shkaku i ndarjes ishte xhelozia e Tanaka ndaj marrëdhënies së Mariah me ish-bashkëshortin e saj, Nick Cannon.
