Vetullat janë një nga tiparet më të rëndësishme të fytyrës tonë dhe tashmë femrat i kushtojnë atyre shumë kohë dhe para.
Por, pas teknikës “microblading” (një makijazhi gjysmë permanent për vetullat) që po bën namin momentalisht, një trend i ri duket se po vjen në jetë në “Instagram” dhe është goxha i çuditshëm.
Bëhet fjalë për parukat e vetullave, që është pikërisht ajo që kuptohet nga vetë fjala.
Në një video të postuar në “Instagram” nga një artist makijazhi, shihet një grua së cilës i vendosen një palë paruke vetullash dhe siç shprehen blogeret e bukurisë, rezultati mund të jetë super natyral.
Parukat e vetullave gjithashtu mund të jenë një ndihmë shumë e madhe për të pacientët e mbijetuar nga kanceri, që humbasin qimet si pasojë e kimioterapisë.
Burimi: Glamour
