Disa mendojnë se fati është për njerëzit e guximshëm. Të tjerë mendojnë se fati është i paracaktuar nga fuqi të mbinatyrshme dhe gjithçka që përjetojmë në jetë është vijimësi i asaj që është ”shkruar” për ne. Dhe ka nga ata që besojnë se fati është shkruar nga yjet. Ja 4 të lindurit me këmishë të zodiakut:
Peshorja
Peshorja njihet si shenja më optimiste e zodiakut. Nuk bën kurrë plane dhe çuditërisht gjërat i shkojnë gjithmonë ashtu siç dëshiron. Është një ndër shenjat më të përkëdhelura të fatit, edhe pse nuk është kurrë në kërkim të tij. Duhet të falënderoni planetin tuaj, Venusin, i cili bën që ju të keni shumë fat në jetë.
Akrepi
Njëlloj si insekti me të njëjtin emër, edhe Akrepi i horoskopit duket sikur pickon fatin dhe lumturinë. Edhe pse shquheni për qasjen tuaj jo fort pozitive, në situatat më të vështira duket sikur fati troket pikërisht në derën tuaj. Kjo gjë ju ka ndihmuar t’ua hidhni paq shumë situatave pa u sforcuar. Epo kot nuk thoni, është fati, s’ke ç’i bën.
Shigjetari
Shigjetari është po aq fatlumë sa dy shenjat paraardhëse, në mos pak më shumë. Ia dilni të kaloni me sukses çdo sfidë, çdo situatë të vështirë pa u munduar fare. Duket sikur fati është gjithmonë në anën tuaj dhe ju mbron gjithmonë. Urojmë të zgjasë për shumë kohë e gjitha kjo.
Bricjapi
Bricjapi është ndër të parat shenja që përballen me pengesat dhe vështirësitë. Edhe pse përpiqeni t’i mbani larg vetes dhe njerëzve tuaj të dashur, ju duhet shpesh të përballeni me probleme dhe si gjithmonë arrini t’i kaloni me lehtësi. Për aq kohë sa nuk përfshiheni shumë emocionalisht në këto sfida, do të keni mjaftueshëm fat për t’i çuar në vijën e “finish”-it.
