Shumë prej nesh përpiqen t’i rikthehen një marrëdhënie nga e kaluara. Natyrisht, ndonjëherë ka arsye të mira për t’u kthyer në ish-in tuaj. Megjithatë, në shumicën e rasteve, shpejtë kuptojmë se arsyet për ribashkimin nuk ishin asgjë më shumë se një mit.
Këto 11 arsyetime më të zakonshme që përdorim në situata të tilla janë në fakt “false”.
1.Këtë herë çdo gjë do të jetë ndryshe.
Sipas hulumtimeve, partnerët që ribashkohen kushtojnë më pak vëmendje ndaj aspekteve pozitive të marrëdhënies së tyre, duke u përqendruar më shumë te negativet.
2.Ai ka ndryshuar tërësisht.
Njerëzit nuk ndryshojnë. Të paktën jo shpejt dhe pa arsye. Për të ndaluar edhe zakonin më të parëndësishëm, duhet një dëshirë e fortë, motivim dhe kohë. A i ka ish-u juaj këto?
3.Askush nuk më njeh më mirë sesa ai.
Ke të drejtë. Keni kaluar shumë kohë së bashku. Megjithatë fakti që e njihni njëri-tjetrin kaq mirë nuk e ka penguar ndarjen, apo jo? Ndoshta kjo ishte arsyeja për ndarjen tuaj, gjithmonë duhet të ketë një mister në një marrëdhënie.
4.Ka vetëm idiotë në dispozicion dhe nuk ka gjasa që të gjej dikë më të mirë.
Bari është gjithmonë më i gjelbër në anën tjetër të gardhit. Ju thjesht nuk doni të shihni anët e mira të këtij djali të ri, sepse marrëdhënia e re do t’ju shtyjë jashtë zonës suaj të rehatisë.
5.Ai nuk është perfekt, por është i imi.
Truri i njeriut është më i ndjeshëm ndaj humbjeve sesa ndaj fitoreve. Është e njëjtë gjë me një marrëdhënie. Megjithatë, pyesni veten se çfarë është më mirë: të jetoni përgjithmonë në lumturi me njeriun e përsosur ose të udhëhiqni një jetë të mjerueshme me një partner “jo të përsosur, por i imi”?
6.Nuk kam kohë për njohje të reja.
Njohja e një personi të ri është para së gjithash një mundësi për të zgjeruar horizontet tuaja. Rreth 17% e martesave në SHBA gjatë vitit të kaluar u kontraktuan nga çifte që gjetën njëra-tjetrën në faqet e takimeve.
7.Jemi miq tani për tani dhe do ta shohim si ecën.
Si rregull, një miqësi mes ish-partnerëve nuk është e mundur. Marrëdhënie të tilla nuk shkëlqejnë nga emocionet dhe besimi. Dhe dëshira për të qenë miq me një ish mund të jetë një shenjë e një çrregullimi mendor.
8.Ju pitë dhe u puthët. Mund të ktheheni në shtëpi bashkë.
43% e femrave dhe 47% e meshkujve flenë me ish-et e tyre. Nëse ndodh me ju, mos harroni se rasti juaj nuk është unik dhe kjo nuk është arsye për ta nisur nga e para. Vetëm mos lejoni që të kthehet në zakon, sepse seksi i rregullt me një ish është një pengesë e madhe në rrugën tuaj për të ardhmen.
9.Askush nuk është i përsosur.
Por kush dëshiron të jetë i përsosur? Ju thjesht duhet të ndiheni mirë së bashku dhe të plotësoni njëri-tjetrin. Ju u ndatë jo sepse njëri prej jush nuk ishte i përsosur. Ju thjesht nuk jeni bërë për njëri-tjetrin. Prano këtë dhe vazhdo.
10.Ish-i im nuk do të më lë të qetë.
Pas një ndarje, njëri nga partnerët mund të fillojë të shfaqë papritmas sjellje që nuk e kanë demonstruar më parë. Telefonata, mesazhe, komentet në rrjetet sociale, vizita të papritura. “Kjo është dashuria”, mendojmë ne. “Ai nuk mund të më harrojë mua.” Megjithatë, më shpesh është një nevojë për kontroll të plotë.
11.Ndoshta unë po e ekzagjeroj.
Ndoshta po. Nëse u ndatë për shkak të të afërmve, punës ose arsyeve të tjera të jashtme, një përpjekje e dytë mund të jetë e suksesshme. Megjithatë, për fat të keq, më shpesh shkaku i ndarjes është më serioz: mashtrimi, për shembull. Dhe kjo është një arsye e vërtetë për t’i dhënë fund një marrëdhënieje.
Burimi: Brightside
