Ngjyra e kuqe ka qenë prej kohësh e lidhur me romancën, por studimet e fundit e zbehin idenë se ngjyra e kuqe mund të ndezë pasionin. Një numër studimesh kanë pasur në të kaluarën një lidhje mes ngjyrës së kuqe dhe sa e dëshirueshme mund të duket ajo te gjinia e kundërt.
Por, duke i përsëritur këto studime, studiuesit zbuluan se nuk kishte lidhje midis veshjes së kuqe dhe tërheqjes. Psikologët nga Universiteti Dominik në River Forest, Illinois, janë përpjekur të rikrijojnë gjetjet e hulumtimeve të mëparshme që kanë sugjeruar lidhjen.
Robert Calin-Jageman dhe Gabrielle Lehmann nga departamenti i neuroshkencës së universitetit përsëritën studimet. Por studiuesit nuk mundën të gjenin prova të mjaftueshme që tregonin tërheqjen.
Për të siguruar që testet të ishin sa më të besueshme në studimet e mëparshme, studiuesit përdorën të njëjtat materiale si origjinalet. Ata u kërkuan studentëve të universitetit dhe pjesëmarrësve online të vlerësojnë të njëjtat fotografi si ato të treguara për pjesëmarrësit në studimin e vitit 2008.
Te meshkujt, ata gjetën një efekt shumë të dobët në rritjen e dëshirës për ngjyrën e kuqe. Por te gratë, ata gjetën të kundërtën, një tërheqje ndaj të kuqes. Kështu ky numër i vogël i personave që pëlqejnë të kuqen nuk mundet kurrsesi të përfaqësojnë një shoqëri të tërë, thonë ata.
Burimi: Daily Mail
