Alban Skënderaj ka një lajm shumë të mirë për fansat e tij, veçanërisht ata në Kosovë. Këngëtari përmes një postimi të bërë në rrjetet sociale, zbuloi për fansat e tij se së shpejti recitali “Tingujt e Ditarit Tim”, i cili korri sukses vitin e kaluar, do të performojë së shpejti në Prishtinë.
“Tingujt E Ditarit Tim”, si asnjëherë më parë, së shpejti në Prishtinë”, shkruan në postim e tij kantautori.
Ndërkohë që një pjesë e fansave e kanë konsideruar këtë lajm si më të mirin e ditës, disa të tjerë që jetojnë jashtë Shqipërisë, kanë dashur të dinë datën e saktë të recitalit në mënyrë që të rezervojnë biletat për t’u rikthyer saktësisht për këtë koncert.
