Kantautori i njohur Flori Mumajesi do të rikthehet shumë shpejt në televizion me një format të ri televiziv.
Lajmin e ka bërë të ditur juristja Eni Çobani në “Instastory”, e cila në fakt do të jetë partnerja kryesore e Mumajesit.
“Me fjalë të vogla por me hapa të mëdhenj ec ky djalë. Dhe ju me të drejtë pyesni ç’ne Eni me Florin. Se shpejti do të na shikoni në një format shumë të dashur televiziv. Je fantastik Flori Mumajesi”.
Në fakt bëhet fjalë për një rubrikë shumë të ndjekur tek “E diela shqiptare”, “Për drekë me mua”, ku Flori Mumajesi, Eni Çobani dhe Arbër Mazniku do të përballen për talentin e tyre në gatim dhe mes tyre do të triumfojë vetëm njëri, sigurisht.
Nuk e dimë me saktësi se kur do të transmetohet kjo puntatë, por gjithçka është në xhirim e sipër. Mezi presim ta shohim Flori duke gatuar.
