Ata drejtojnë dy vende shumë të ndryshme nga të gjitha aspektet, por ka diçka në stilin e tyre dhe në shijet për modën që i bashkon dhe i bën kaq “cool”. Kryeministri i Kanadasë, Justin Trudeau dhe kreu i qeverisë shqiptare, Edi Rama, kanë një pasion të përbashkët, që lidhet jo me pozicionin e tyre në politikë, por me modën.
Çorapet dhe kravatat me dizajnë të veçantë!
Kryeministri kanadez, përveç se është një nga imazhet më të dashur, vendosi më 4 maj që të vishte një palë çorape me dizajnë nga filmi “Star Wars”.
Kjo ndodhi gjatë takimit me kryeministrin e Irlandës, Enda Kenny, për të shënuar ditën e rëndësishme për filmin e George Lucas.
Dhe kjo nuk ishte hera e parë që kryeministri kanadez shfaqej në publik dhe në takime të rëndësishme me çorape me motive të ndryshme, duke zbuluar kështu pasionin e tij të pazakontë.
Të njëjtën gjë e lidhim me kryeministrin Rama, që në fillim të karrierës së tij në politikë!
Ai ishte ndër të parët politikanë që “theu” rregullat e veshjes, duke u shfaqur me çorape me ngjyra dhe dizajnë të ndryshme që kur ishte kreybashkiak i Tiranës.
Po ashtu edhe zgjedhja e kravatave është një detaj që na tërheq vëmendjen. Edi Rama njihet për shijet e tij të veçanta në veshje, të lidhura edhe me pasionin e tij, artin dhe kravatat janë përdorur si një element për të thyer veshjen zyrtare me kostum.
Justin Trudeau po ashtu ka aftësi të tilla për zgjedhjen e kravatave të veçanta.
Burimi: ICONstyle.al
