Ata kaluan periudhën më të vështirë në jetën e tyre për shkak të sëmundjes së djalit.
Që prej nëntorit të kaluar, kur djali i Michael Buble dhe Lusiana Lopilato, Noah u diagnostifikua me kancer, çifti u shkëput nga vëmendja e publikut për t’iu përkushtuar vetëm djalit.
Vogëlushi i tyre mesa duket tashmë po e fiton betejën me sëmundjen e rëndë, pasi edhe prindërit kanë deklaruar kohët e fundit se ai po i përgjigjet pozitivisht trajtimit.
Mamaja e Noah-s, aktorja e njohur ka postuar një foto në “Instagram” pas shumë kohësh me të birin, ku duken mjaft të lumtur të dy në plazh duke buzëqeshur.
“Ndërkohë që ai më hedh rërë unë shijoj të qeshurën e tij”, ky është shkrimi bashkangjitur fotos së aktores me të birin.
Burimi: Daily Mail
