Bella Hadid dhe The Weeknd qëndruan të lidhur rreth një vit e gjysmë, para se të ndaheshin vjeshtën e vitit të kaluar. The Weeknd, emri i vërtetë i të cilit është Abel Tesfaye, ka vazhduar jetën e tij me Selena Gomezin, me të cilën bëri daljen e parë në tapetin e kuq, javën e kaluar, në “Met Gala”.
Nuk është e lehtë të shikosh ish-in tënd duke ecur me dikë tjetër, por marrëdhënia e Abelit me Selena-n është jashtëzakonisht e çuditshme, pasi ajo është shoqe me motrën e Bella-s, Gigi Hadid. Pra, si po ia del Bella me gjithë këtë?
Shumë mirë, në të vërtetë.
Në një intervistë të re për revistën “Grazia”, modelja pranoi se ajo nuk po nxiton për të nisur një lidhje. Në fakt, ajo e dashuron jetën “single”.
“Është sikur më në fund jam në pikën, ku mund të mendoj vetëm për atë që dua të bëj dhe për vendet ku dua të shkoj. Dua të jem sa më e pavarur që të jetë e mundur dhe të shqetësohem për veten sesa për ndonjë tjetër”, thotë Bella.
Burimi: Elle
