Mund të duket sesa më shumë stërvitemi, aq më mirë ndihemi. Por, Sara Gottfried, autore e librave më të shitur për shëndetin, argumenton se nuk është kështu. Në fakt, në një pikë të caktuar, seancat e gjata të ushtrimeve ose ushtrimet e tejzgjatura mund të ndikojnë keq te ju.
“Stërvitja më shumë seç duhet çliron dy hormonet kryesore: CRH dhe kortizol, të dyja lidhen me përgjigjen e stresit. CRH rrit depërtueshmërinë e murit të zorrëve, si të mushkërive, lëkurës dhe barrierës gjak-tru, ndërsa nivelet e larta të kortizolit mund të përshpejtojnë plakjen, bllokimin e tretjes dhe zvogëlimin e rrjedhjes së gjakut në zorrë. Lajme të këqija në qoftë se jeni duke u përpjekur të humbni peshë”, thotë autorja.
Megjithëse ajo ka vënë re se atletët i luftojnë këto efekte të dëmshme, duke i plotësuar me probiotikët, omega-3 dhe vitaminën C.
Ajo propozon që të stërviteni 20 deri në 30 minuta në ditë, katër herë në javë. Ajo këshillon të lëvizni pak, por më shpesh, duke përfshirë lëvizje të thjeshta.
Ndërsa për ata që shkojnë në palestër, Gottfried këshillon ushtrimet me tapet dhe jogën si ideale, sepse punojnë në të gjithë trupin pa e vënë atë nën stres.
“Do të stabilizojnë nivelet e kortizolit, ndihmojnë në humbjen e peshës dhe mbajnë muskujt të tonifikuar”, thotë ajo.
