Aktorja shqiptare me famë botërore, Eliza Dushku, do të jetë këtë javë në vendin e saj të lindjes, në Shqipëri.
Ajo vetë ka treguar në rrjetin social “Instagram”, se do të jetë e pranishme në Shqipëri për një vizitë si dhe për të qenë pjesë e një organizimi sportiv.
Bashkë me lajmin ajo ka postuar edhe një fotografi ku ka të veshur fanellën e këtij organizimi shqiptar, “World Paragliding Accuracy Championship”. Bëhet fjalë për një kampionat botëror të parashutizmit, një prej eventeve më të mëdha të sporteve, në të cilin, Shqipëria do të garojë me ekipin e vet. Ai do të organizohet në Vlorë nga datat 5-14 maj dhe Eliza Dushku është imazhi i kampionatit.
“Ju kujtohen ca pamje të bregdetit dhe maleve shqiptare në dokumentarin tim? Ato i ka realizuar Alket Islami, dhe do të jem e pranishme në ngjarjen e organizuar nga ai”, ka shkruar Eliza.
Ajo falënderon të gjithë njerëzit që janë pjesë e jetës së saj dhe thotë se është e lumtur dhe krenare me origjinën e saj shqiptare.
Bashkë me lajmin ajo ka postuar edhe një fotografi ku ka të veshur fanellën e këtij organizimi shqiptar, “World Paragliding Accuracy Championship”.
Ndërkohë drejt Pilurit të Vlorës kanë shkuar edhe moderatorët Arbana Osmani dhe Ervin Kurti, të cilët po marrin pjesë në Southoutdoorfest, një festival me aktivitete sportive të organizuara në natyrë, mes të cilave ngjitje në mal, çiklizëm, parashutizëm, kinema në natyrë etj. Për më tepër informacion mund të klikoni KËTU.
