Më pak se 24 orë pasi i tregoi botës për ndryshimin drastik të flokëve të saj, Selena Gomez vërtetoi të kundërtën dhe të gjithë mbetëm të shokuar!
Teksa ishte e pranishme në një event të Inglewood, Kaliforni, ajo është shfaqur me flokët e gjata. Në këtë event ajo dha një intervistë për “Extra”, duke thënë se kishte vendosur një paruke në foton e postuar në “Instagram”.
“Ishte shumë qesharake. Isha duke provuar disa paruke të ndryshme dhe postova një fotografi pasi më pëlqeu shumë. Me të drejtë, ndjekësit menduan se unë kisha prerë flokët, por vazhdoj t’i kem njëlloj”, ka thënë këngëtarja.
Kur është pyetur nëse do tentonte t’i priste ndonjëherë flokët aq të shkurtra, ajo është shprehur: “Nuk e di, kam frikë. Momentalisht do të kujdesem mirë”.
Burimi: Harper’s Bazaar
