Asnjë historian nuk e kishte parashikuar këtë trend të vitit 2017! Në fillim të muajit prill marka e njohur e modës, “Vetements”, hyri në territorin e dyshimtë duke i dërguar pantallonat xhinse në një nivel tjetër.
Marka franceze përdori “Instagram”-in për të ndarë një imazh nga modeli i ri i xhinseve në bashkëpunim me “Levi’s” dhe janë përfundimisht… inovative.
Xhinset #VetementsxLevis jo vetëm përfshijnë zinxhir në pjesën e pasme të këmbës, por gjithashtu një zinxhir edhe në mes të të pasmeve.
Por sa të gatshëm jeni që ta vishni këtë trend?
Një vajzë është dalluar në rrugët e vendit tonë duke “përqafuar” në një mënyrë këtë trend.
Një faqe në “Instagram” publikoi një foto të një femre me pantallona xhinse të zeza të veshura mbrapsht, pasi pjesa e zinxhirit qëndron te të pasmet.
Ndoshta kjo vajzë sapo solli tendencën më të fundit! Por sa estetike është? Në rast se doni pantallonat me zinxhir nga pas, ju këshillojmë të blini një palë të tilla.
Burimi: Iconstyle.al
