Kjo është historia interesante e një djaloshi vetëm 9 vjeç, i cili aplikoi për punë në NASA, për të mbrojtur Tokën kundër alienëve si një pjesë e një misioni të zbulimeve hapësinore.
Aplikimi i tij për punë u bë para disa kohësh, bashkëngjitur me një letër dhe së fundmi ekipi i NASA-s i ka kthyer përgjigje. Por para se të tregojmë përgjigjen le të lexojmë se çfarë shkruan ai në letër:
“Emri im është Jack Davis dhe do doja të aplikoja për punën e “oficerit të mbrojtjes planetare”. Mund të jem 9 vjeç, por mendoj se do isha mjaft i aftë për këtë punë. Një nga arsyet është se motra ime thotë se jam alien dhe kam parë pothuajse të gjitha dokumentaret dhe filmat e huaj dhe di shumë rreth tyre. Gjithashtu kam parë shfaqjet e “Marvel Agents of Shield” dhe shpresoj që të shoh filmin “Men in Black”.
Jack më në fund mori një letër nga James L.Green, drejtor i divizionit të NASA-s për shkencën planetare duke thënë se pozita e oficerit ishte punë shumë e rëndësishme.
“Ne gjithmonë jemi në kërkim të shkencëtarëve dhe inxhinierëve të ardhshëm që do na ndihmojnë, prandaj të kërkoj që të studiosh shumë dhe të japësh maksimumin në shkollë. Shpresojmë të të shohim këtu në NASA së shpejti”.
Vogëlushi gjithashtu mori një telefonatë nga drejtori i NASA-s, Jonathan Rall, për ta përgëzuar atë për interesin e tij.
