Kush më mirë se artistët e makijazhit të botës së modës mund të na japin këshillat më të mira të bukurisë.
Hapi i parë
Së pari, përgatitni lëkurën e fytyrës për aplikimin e makijazhit. Grimerja e “Chanel”, Fulvia thotë:
“Gjithmonë aplikoni bazën poshtë qepallave. Kjo ndihmon që hijëzimi të qëndrojë më gjatë dhe ju bën të dukeni më të freskëta apo të sapo zgjuara nga gjumi. Rreth kësaj zone përdorni gjithmonë furçen”.
Hapi i dytë
Më pas, aplikoni hijëzimin e syve nga fillimi i qerpikëve e deri në skajet e kapakut të syrit. Përqendrohuni më shumë tek fillimi i kapakut të syrit, më pas shpërndajeni.
Hapi i tretë
Më pas, përdorni një furçë të vogël, që të aplikoni hijëzimin në pjesën e poshtme të qerpikëve. Kjo do të bëjë që sytë tuaj të duken më të mëdhenj. Ju nuk keni nevojë për tri nuanca të hijëzimit të syrit. Sot, këto hijëzime janë aq të pigmentuara, saqë mjafton vetëm një ngjyrë, vetëm aplikojeni në disa nuanca.
Hapi i katërt
Që të parandaloni përhapjen e rimelit, përdorni një pudër pluhur të tejdukshme poshtë syve tuaj. “Ky lloj është i preferuari im pasi pastron të gjitha njollat dhe funksionon për çdo nuancë lëkure”, thotë Fulvia.
Hapi i pestë
Gjithmonë aplikoni rimelin në pjesën e sipërme të qerpikëve, po edhe në pjesën e poshtme. Dhe, kur t’i ktheni qerpikët me mjetin e posaçëm, filloni në tri pika kryesore që t’i bëni të duken sa më të dendura dhe të gjata.
Hapi i gjashtë
Që të krihni dhe drejtoni vetullat, hidhni pak spraj apo llak flokësh në një furçetë vogël dhe krihni më pas ato.
Hapi i shtatë
Më në fund, përmbyllni grimin me një shkëlqyes buzësh. Fulvia thotë: “Ju gjithmonë duhet të filloni rutinën tuaj të grimit duke aplikuar balsam buzësh, e më pas të vazhdoni me bazën në fytyrë. Deri sa të lyeni buzët me buzëkuq, ato mjaftueshëm do të hidratohen nga balsami. Një shkëlqyes buzësh i bën buzët të duken edhe të hidratuara, por edhe natyrale, gjë që është perfekte për ambiente pune”.
Hapi i tetë
Që ta mbani këtë pamje prej ditës e të ju zgjasë deri në mbrëmje, thjeshtë shtoni edhe pak hijëzim më të errët në skajet e kapakëve të syrit, mbi grimin tuaj aktual. Shumë e thjeshtë! Fulvia sugjeron të zgjidhni ndonjë ngjyrë pak më të guximshme për hijëzimin e syve. Për mbrëmje, ju duhet të shkëlqeni dhe të dalloheni.
Hapi i nëntë
Në fund shtoni pak më shumë ngjyrë pamjes suaj me një buzkuq më të ndritshëm.
