Ndoshta nuk do ta mendonit kurrë se me të mund të bënit çudira për pamjen tuaj të jashtme. Limoni është një nga agrumet më me shumë rëndësi në rutinën e bukurisë dhe kujdesit për trupin.
Ka shumë studime, të cilat kanë konfirmuar se limoni mund të bëjë mrekulli për të patur një lëkurë të përsosur dhe flokë të ndritshëm.
Ja disa nga përdorimet e limonit:
Për të shndritur lëkurën
Nga përzierja e disa pikave lëng limoni më ujë kokosi, ju do të merrni një përzierje të përsosur për një lëkurë të qartë, të ndritshme dhe të hidratuar.
Për të ndriçuar bërrylat dhe gjunjët
Në bërryla dhe gjunjë, shpesh lëkura ka tendencë për trashje, çka e bën epidermën të errët dhe të shëmtuar. Pritini një gjysmë limon dhe lyeni me të çdo ditë gjunjët dhe bërrylat për disa minuta. Trajtimi do ta bëjë lëkurën të qartë dhe të njëtrajtshme.
Për të luftuar puçrrat në fytyrë
Limoni është gjithashtu i dobishëm kundër puçrra të fytyrës, pikave të zeza, etj. Limoni është antibakterial. Mjafton të prisni një fetë limon dhe butësisht ta kaloni në zonën problematike në fytyrë.
Për të zhdukur njollat
Limoni ndihmon gjithashtu për të zbardhur njollat në fytyrë, ato të krijuara nga dielli apo njollat që shfaqen me kalimin e moshës në fytyrën tuaj dhe duart. Sepse siç e dimë vitamina C është një antioksidant i fuqishëm, ideal për neutralizimin e radikaleve të lira dhe për të stimuluar prodhimin e kolagjenit.
Kundër buzëve të plasaritura
Lëkura e buzëve mund të përfitojë nga vetitë e limonit. Një përzierje e lëngut të limonit me pak sheqer krijon një eksfoliant natyror të butë për buzët. Pasi ta keni vendosur në buzë e fshini pas pak me ujë të ngrohtë.
Për t’i dhuruar flokëve shkëlqim
Limoni është një shkëlqyes natyror. Ju mund të aplikoni disa pika lëng limoni në flokë para se të ekspozoheni në diell.
Veprimi antizbokth
Acidi i limonit ndihmon për të eleminuar zbokthin nga flokët. Ju mund të përdorni një përzierje të lëngut të limonit dhe ujit në lëkurë e kokës dhe ta lini për 10 minuta para se ta shpërlani. Uji për hollim mund të zëvendësohet me ujë kokosi ose vaj ulliri për një efekt shtesë hidratues.
Skrab për flokët
Limoni është gjithashtu një eksfoliant i shkëlqyer për lëkurën e kokës dhe ndihmon për të hequr qelizat e vdekura. Pastrimi mund të arrihet me limon dhe uthull të bardhë, të përziera në pjesë të barabarta. Koka këshillohet të masazhohet për 10 minuta me këtë përzierje, e më pas ta shpërlani.
Për forcimin e flokëve
Limoni është në gjendje për të riparuar dëmet dhe për të forcuar flokët. Një herë në javë ju mund të aplikoni një maskë të bërë me një filxhan lëng limoni dhe një gotë me ujë kokosit, të lënë për 15 minuta duke i shpërlarë më pas me ujë të ftohtë.
Burimi: DireDonna
