“Shtëpi e ëmbla shtëpi”. Në fund të një dite të lodhshme nuk ka asgjë më shumë që doni, sesa shtëpia dhe shtrati juaj i “dashur”. Por ka disa gjëra që e bëjnë një shtëpi të lumtur. Nuk mund të imagjinoni kurrsesi, që të ktheheni pranë familjes, ndërsa iu pret një rrëmujë dhe asgjë që iu ngre humorin. Zbuloni gjërat, që ju bëjnë të lumtur në vendin ku kaloni pjesën më të madhe të jetës .
Mure të gjelbra apo të verdha
Studimi ka treguar se këto dy ngjyra provokojnë ndjenja të lumturisë, megjithatë mund të mos keni guximin e ngjyrosjes së të gjitha mureve me këto dy ngjyra, ndaj provoni vetëm në ndonjë dhomë.
Lule të freskëta
Ndoshta për ju lulet e freskëta janë harxhim i kotë i parave, mirëpo merreni këtë si një investim në lumturi. Lulet e freskëta aktivizojnë emocionet e lumturisë dhe e shtojnë ndjenjën e kënaqësisë në jetë.
Fotografitë sentimentale
Nëse vitrina juaj është përplot me libra dhe gota kristali, menjëherë duhet t’i zëvendësoni me fotografitë familjare. Studimi ka treguar se fotografitë e tilla evokojnë lumturi dhe ndjesi të paqes e rehatisë shpirtërore.
Qirinjtë me aromë vanilje
Ndezja e qirinjve me aromë vanilje është një mënyre e shkëlqyer, për t`u relaksuar. Studimi i bërë mbi komponentët kimike të aromës ka vërtetuar se vanilja e përmirëson gjendjen tuaj.
Ditari
Trajnimi dhe meditimi bëjnë që të largoni energjinë negative dhe të krijoni hapësirë për ndjenja të këndshme. Mirëpo studimet psikologjike kanë treguar se efekti i mbajtjes së një ditari personal, ndikon pozitivisht në gjendjen tuaj.
Kafshët shtëpiake
Mund të themi me siguri që qeni është miku më i mirë i juaji. Studimi ka treguar se ky mik mund të përmirësojë jetën tuaj.
Esencat nga lulet
Herën e ardhshme kur të përzgjidhni aromën apo freskuesin e ajrit, të jetë nga gonxhja e trëndafilit. Receptorët e aromave që ndodhen në hundë janë të lidhur me pjesët e trurit, që ndikojnë në emocionet tuaja ndaj aroma e trëndafilit ju bën më të lumtur.
Shtrat i rregulluar
Shtrati i rregulluar menjëherë pasi zgjoheni ndikon që ta filloni ditën me një gjendje të mirë.
Minimalizmi
Shkencëtarët kanë vërtetuar lidhjen mes hormoneve të stresit dhe femrave që në shtëpitë e tyre kanë sende të shumta e të vogla. Prandaj, sa më shumë gjëra të keni në shtëpi, aq më të stresuar do të jeni.
