Dedikime, kujtime e dashuri! VIP-at shqiptarë fshehin shumë sekrete në trupin e tyre që shumë prej nesh nuk i dinë. Ndaj, për t’ju shuar kuriozitetin, “Iconstyle.al” sjell sot 8 VIP-at që kanë vendosur të gdhendin në lëkurën e tyre dedikime ndaj personave të dashur apo pasioneve të tyre.
Orinda Huta
Nëse keni qenë të kujdesshëm, duhet ta keni vënë re Tweety-n në dorën e djathtë të këngëtares shqiptare. Por ky tatuazh nuk është bërë sepse këngëtarja e hitit “Tani e Di” është e afeksionuar pas personazhit të filmave vizatimorë, por ka një kuptim tërësisht tjetër. Vetullat e Tweety-t në dorën e këngëtares janë ato të Turjan Hyskës, i cili sot është bashkëshorti i saj. Huta vendosi ta kishte këtë tatuazh në fillimet e lidhjes së tyre. Tweety për të është shumë i rëndësishëm. Madje mikeshat e saj e kishin përdorur si temë kryesore edhe në festën e beqarisë.
Lori Hoxha
Vite më parë, Lori Hoxha gdhendi në trup një tatuazh ku shkruhet “Daddy’s princess”- princesha e babit. Trashëgimtarja e “Top Channel” ia dedikoi këtë tatuazh babait të saj të ndjerë Dritan Hoxha.
Besart Kallaku
Besart Kallaku ka shumë tatuazhe, por njëri është i preferuari i tij. Në një intervistë, këngëtari i hitit “Skifterja e Zemrës” zbuloi se në krahun e tij të djathtë ka gdhendur një valë zanore. E veçanta e saj është se janë valët zanore të zërit të Xhensilës kur i thotë “Të dua”.
Landi Hysi
Landi Hysi ka të njëjtin tatuazh me atë që kishte miku i tij i ndjerë Doktor Flori. Idhulli i Florit ishte basketbollisti Michael Jordan, e për këtë arsye në krahun e djathtë kishte topin e basketbollit me numrin e Michel Jordan, numrin 23.
Barbana Dini
“Për këtë kujtim, shumë domethënës për mua, që me art e ngjalli duke ma bërë pjesë të trupit vëllain tim ERGIN”. Ky është dedikimi i këngëtares Barbana Dini, pas ndarjes tragjike nga jeta të vëllait të saj, këngëtarit Ergi Didi.
Morena Taraku
Morena Taraku nuk i ka dedikuar vetëm vargje këngësh nënës së saj, por edhe ka vizatuar edhe në trup portretin e saj që ta ketë gjithmonë pranë e ta kujtojë përjetë.
Aurela Hoxha
Modelja Aurela Hoxha ka katër tatuazhe në trupin e saj. Por cilin veçon ajo? “Të gjitha kanë nga një domethënie. Kam një ëngjëll këtu që mban fytyrën e mbesës sime”- tregon ajo për tatuazhin që ka vendosur ta bëje tek supi i saj.
Flori Mumajesi
Ndryshe nga personazhet e tjerë që tatuazhet ia kanë dedikuar personave të zemrës, kompozitori Flor Mumajesi ia ka dedikuar muzikës. Në veshin e majtë ai ka tatuazhin e një shenje volumi të mbyllur. “Nuk e kam bërë rastësisht këtë tatuazh, përkushtimi ndër vite ndaj muzikës më ka kushtuar 70% të humbjes së dëgjimit nga veshi i majtë” – është shprehur Flori.
