Prej 8 muajsh, Olta Boka po shijon ndjesinë më të bukur në botë, atë të qenurit nënë. Në muajin korrik, ajo solli në jetë Gaian, vajzën e saj të parë.
Këngëtarja nuk i kursen fotot e videot me të voglën e saj në rrjete sociale (ku i fsheh portretin) dhe sigurisht ndan këshilla me ndjekëset e saj nëna, ose që do bëhen nëna.
Sot, e vogla e saj mbush 8 muaj që ka ardhur në jetë, ndaj këngëtarja e festoi në mënyrën më të bukur.
Olta i përgatiti të bijës një tortë të veçantë, e cila nderonte gjyshin e Gaias dhe vjehrrin e Oltës, Shezai Rrokajn, i cili ka shkruar librin e Abetares. Ndaj edhe torta ishte bërë me kopertinën e këtij libri.
“8 mujorin e festuam me tortën më speciale, në nder të njërit prej autorëve të Abetares, të cilin Gaia ka fatin ta ketë gjysh.”- shkruan Olta krahas videos.
Olta Boka u bë nënë për herë të parë verën që lamë pas, kur solli në jetë vogëlushen Gaia. Pak para se të lindte vajzën, Olta na prezantoi publikisht me partnerin e saj, Iv Rrokaj, edhe pse lidhja e tyre përflitej lart e poshtë prej muajsh. Në momentin që zbuloi shtatzëninë e saj, këngëtarja publikoi për herë të parë foto në rrjete sociale me të.
Olta ka qenë gjithmonë shumë e rezervuar për jetën e saj dhe ende ne dimë shumë pak për marrëdhënien me Ivin. Ajo ndan shpesh në rrjete sociale video nga përditshmëria e saj si nënë, por me partnerin shfaqet shumë rrallë. Megjithatë është e rëndësishme që ajo është e lumtur në jetën e saj private.
