Ka reaguar edhe Qendra Spitalore Universitare “Nënë Tereza”, pas ngjarjes së rëndë që ndodhi sot në Spitalin Infektiv, ku një pacient me Covid u vetëhodh nga kati i tretë i godinës së spitalit.
Nëpërmjet një komunikate për media, QSUT ka sqaruar opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pasi ky i fundit tentoi të kryente aktin e vetëflijimit.
Sipas njoftimit zyrtar të QSUT-së, pacienti 69 vjeçar, Reshat Grendi nga qyteti i Fierit, aktualisht është nën kujdesin e mjekëve të këtij spitali.
Reagimi i plotë i QSUT:
Qendra Spitalore Universitare “Nënë Tereza” sqaron opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pas ngjarjes së rëndë të ndodhur në spitalin Infektiv, ku një pacient tentoi të kryente aktin tragjik.
Pacienti me inicialet R.G., 69 vjeç aktualisht është nën kujdesin e mjekëve të këtij spitali.
Në këto ditë të vështira të përballjes me Covid-19, kur mjekët tanë po bëjnë një sakrificë të jashtëzakonshme, sigurojmë qytetarët se jemi në krye të detyrës dhe askush nuk do të mbetet pa marrë shërbim mjeksor!
Në këto momente nevojitet bashkëpunim dhe drejtësi në përcjelljen e informacioneve, për të ndihmuar mbi të gjitha stafet mjekësore që janë 24 orë në shërbim, siç kanë bërë dhe do të bëjnë deri në fund të kësaj beteje!/GazetaReforma.com/
