Ka kaluar rreth 60 ditë, prej momentit që Demi Lovato ka mbërritur në spital për të nisur rehabilitimin ndaj lëndëve narkotike.
E motra e këngëtares, aktorja Madison De La Garza, ka treguar në një intervista se Demi po ia del me sukses të qëndrojë esëll.
“Ajo po punon kaq shumë që të heqë dorë dhe jemi shumë krenarë për të. Ka qënë një periudhë e çmendur për familjen tonë. Ne po ia dalim të bashkuar. Dhe jemi 1000 më të fortë se ç’kemi qënë.” – tha aktorja.
Madison shtoi se mezi pret të realizojë “gjëra të vogla” ditën që motra e saj e madhe Demi, të lërë qëndrën e rehabilitimit.
“Mund të duket gjë e vogël, por mezi pres të shkojmë bashkë në një restorant japonez” – tha aktorja.
Në korrik këngëtarja kaloi në overdozë droge dhe u shtrua me urgjencë në spital, ku qëndroi për dy javë që të rikuperohej.
Ajo anuloi turneun e saj dhe u regjistrua në një qendër rehabilitimi në Chicago për të vijuar trajtimin, nga e cila u transferua javën e kaluar në një tjetër në East Coast.
