Gjashtë vite më parë u shënua një nga tragjedia e 21 janarit në në Tiranë, ku katër protestues humbën jetën në Bulevardin “Dëshmorët e Kombit”
Familjarët e viktimave Aleks Nikaj, Hekuran Deda, Faik Myrtaj dhe Ziver Veizi u ftuan sot nga kryeministri Rama rreth orës 11:00 në Sallën e Hartave, në Kryeministri. Më pas së bashku ata do të vendosin lule në bulevardin para Kryeministrisë, e rreth mesditës Rama ka shtruar një drekë përkujtimore, në nder të viktimave.
Dy ditë më parë qeveria mori vendim për dëmshpërblimin e 3 familjarëve të viktimave që u vranë në 2011, ndërsa njëri është ende në proces gjyqësor.
Axhenda e ditës:
11:30-12:00 Vendosja e luleve në bulevard.
12:00-13:30 Drekë me familjarët e viktimave.
Ministri i Brendshëm, Saimir Tahiri deklaroi dje për mediat se drejtësia për “21 janarin” nuk është vendosur. “Është një nga çështjet themelore ku dallohen shumë qartë të paktën dy gjëra. E para, krimi shtetëror që ka mbetur i pandëshkuar. E dyta, nevoja për të reformuar sistemin e drejtësisë, duke filluar më së pari me ata gjyqtarë që kanë sanksionuar një krim të dytë lidhur me ata që u vranë në 21 janar”, tha Tahiri.
Ngjarja e 2011-s
Protesta ishte paralajmëruar të niste në orën 12:00 të drekës. Protestuesit që vinin nga rrethe të ndryshme të vendit, grumbulloheshin kush tek Zogu i Zi, Pallati me Shigjeta, Rruga e Elbasanit, Stacioni i Trenit dhe apo edhe tek Rruga e Dibrës. Në përfundim të demonstratës bilanci ishte tragjik, 4 të vrarë, 22 të plagosur, nga të cilët 2 në gjendje të rëndë, si dhe 17 efektivë të policisë të plagosur. Tirana për orë të tëra po kalonte një gjendje shokuese. Turmat e irrituara dolën në shesh, në drejtim të kryeministrisë, duke thirrur për drejtësi. Atëherë kur u mendua si gjithçka përfundoi si një tubim paqësor, pasi njerëzit po largoheshin sërish të zhgënjyer, se edhe këtë herë do të ishte si herët e tjera, të shtënat me armë sollën panik. “Na vranë, na vranë” dëgjoheshin britma mes turmës.
Nga turma u “ngrit” në ajër trupi i pajetë një protestuesi. Ndërsa në atë moment demonstruesit e kuptuan që jeta e tyre ishte në rrezik, pasi po qëlloheshin me plumba të vërtetë. Plot 5 vite më parë, bulevardi u përlye me gjakun e Ziver Veizit nga Gjirokastra, Aleks Nikës nga Lezha, Hekuran Dedës nga Peshkopia dhe Faik Myrtajt nga Fieri. Hekuran Deda 32 vjeç, i martuar, baba i dy fëmijëve të mitur, ishte banues në Laknas, Tiranë. Ziver Veizi, 44 vjeç, nga komuna Cepo, Gjirokastër, i divorcuar dhe baba i dy fëmijëve. Faik Myrtaj, 50 vjeç, banues në Kreshpan, Fier, i martuar me dy fëmijë. Aleks Nika 36 vjeç, nga Lezha, i martuar dhe baba i dy fëmijëve.
