Po ti do ta falje tradhtinë? Kjo pyetje 1 milion dollarëshe është skenari më i keq i një marrëdhënie, aq më tepër kur bëhet fjalë për personazhet e njohura në publik.
Jo të gjithë janë imunë ndaj tradhtisë, megjithatë kur ndodh në radhët e figurave të njohura të televizionit dhe showbiz-it, pasojat janë akoma më të mëdha dhe marrin format e skandaleve.
“Iconstyle.al” sjell sot disa nga rastet e tradhtive më të njohura të ekranit, por që kanë një fund të lumtur. Të famshmit shqiptarë që kanë tradhtuar por që janë falur nga partneri për hir të dashurisë dhe kohës që kanë kaluar bashkë.
Deputeti Haxhi Shala
Historia e tyre e dashurisë ka qenë kryefjala e mediave shqiptare. Këngëtarja e njohur Anxhelina Shala bëri publike lidhjen e saj me deputetin e martuar kosovar Haxhi Shala. Ajo postoi në rrjetet sociale një numër të madh fotosh me deputetin dhe nxori hapur lidhjen e tyre.
Këngëtarja ka thënë se kur ajo e kishte takuar në Berlin pas 17 vitesh, nuk e kishte ditur që ai ishte i martuar dhe lidhja e tyre kishte rinisur. Megjithatë lidhja e tyre mori fund dhe tashmë deputeti i njohur të partisë Nisma për Kosovën është pranë bashkëshortes. Sot teksa flasim, çifti është ndarë. Edhe pse një skandal i madh në sytë e publikuar, bashkëshortja e fali.
Cekja i Beratit
Sejfulla Myftari, ose siç njihet ndryshe, Cekja i Beratit, nuk i ka rezistuar dot tundimit për të qenë me një tjetër femër ndërkohë që ishte i martuar. Në një intervistë për revistën “Story” dy vjet më parë, aktori ka folur për martesën e tij 40-vjeçare dhe i ka habitur të gjithë kur publikisht ka pranuar se e ka tradhtuar bashkëshorten.
“E di që do të botohet kjo që po deklaroj, por po, kam pasur femra jashtë martese”, ka thënë Cekja.
Ndonëse të tjerët mundohet të mos flasin për të tilla gjëra, Cekja është personazhi i parë publik që ka bërë një deklaratë të tillë. Edhe pas këtij lajmi të papritur , ai vazhdon ende të jetë i martuar me të njëjtën grua, me të cilën ka tre fëmijë.
Albërije Hadërgjonaj
Këngëtarja e njohur Albërie Hadërgjonaj është ndarë nga bashkëshorti i saj prej vitesh, ndërsa ka folur edhe për arsyen që i dha fund martesës. E ftuar në emisionin “Top Show Magazine” Albëria tha për herë të parë publikisht se bashkëshorti e ka tradhtuar jo vetëm një herë, por disa herë.
“E kam njohur ish-burrin tim shumë shpejt, që kur unë nuk kam pas ditur të puth. Të jem e sinqertë ai ka dash me më lënë që kur jemi martuar. Ai më ka tradhtuar gjithmonë”.
Pro çfarë bënte Alberija kur bashkëshorti i tradhtonte?
“Asnjë gjë. Bëja sikur nuk shikoja. Fale një herë, mbyll sytë njëherë, mbyll një vesh, pastaj u mbylla fare dhe thashë lëre fare”, ka thënë këngëtarja.
Agon Amiga
Mesazhet seksi të shkëmbyera mes Afërdita Dreshajt dhe Agon Amigës në vitin 2015, bënë bujë në mediat rozë dhe madje u bënë shkak për shkatërrimin e një martese. Agon Amiga u nda nga bashkëshortja Egzona Syla pasi mesazhet e shkëmbyera me Afërditën u bënë publike.
Por tashmë duket se gjithçka e kanë hedhur pas krahëve dhe çifti është bashkuar. Agoni dhe Egzona kanë kohë që janë bashkë dhe madje janë bërë prindër të një djali të quajtur Noel. Ata u martuan në vitin 2013 për t’u ndarë në vitin 2015, ndërsa janë bashkuar sërish dhe këtë herë shpresojë për fare.
Afërdita Dreshaj
Në kohën kur plasi skandali më i madh i lidhjes mes reperit Agon Amiga dhe këngëtares Afërdita Dreshaj, kjo e fundit ka qenë e lidhur me bashkëshortin aktual, hokeistin çek Jakub Kindl. Fakti që historia mes Afërditës dhe Jakubit pasti një fund të lumtur, na tregon se lidhja e tyre ka pasur tolerime dhe falje.
Afërdita u cilësua në 2015-n si shkaktarja e ndarjes mes Agon Amigës dhe Egzonës dhe këtë e ka pranuar edhe reperi në një këngë. Nga klipi provokues ku dolën topless të dy e deri te mesazhet me pullë të kuqe, të gjitha u lanë pas dhe finalen e shihni më poshtë.
Shukri Xhelili
Video me pullë të kuqe e ish-kryebashkiakut të Dibrës, nuk ndikoi aspak në martesën e tij. Tefta Xhelili, bashkëshortja e Shukri Xhelilit tha pas publikimit të videos së tradhtisë se do të qëndrojë me burrin e saj deri në vdekje.
“Duke qenë një bashkëshort model, një prind i përkushtuar, një gjysh model, kurrsesi nuk do të bija pre e këtyre maskaradave. Fokus nuk ka qenë familja, por bashkia dhe për këtë jam mëse e bindur”, u shpreh ajoduke e kaluar çështjen në plan politik dhe aspak personal.
Tefta Xhelili tha se nuk ka menduar asnjëherë që të divorcojë bashkëshortin e saj duke përgënjeshtruar të gjitha informacionet që u dhanë menjëherë pas publikimit të videos.
