Sot bëhen 6 muaj nga dita kur ekrani shqiptar humbi një prej gazetareve më të dashura, Adelajda Xhamani.
Gazetarja 31-vjeçare u nda nga jeta në mënyrë të papritur më 29 tetor të këtij viti, pas një infarkti kongjestiv në zemër. Miku i saj më i ngushtë, Eraldo Rexho e ka kujtuar Adelën përmes disa fjalëve prekëse në Instagram.
Ai e quan motër dhe shprehet se është i bekuar që e njohu nga afër:
”6 muaj pa ty, engjëlli im! Kam menduar gjithnjë se jam i mirë me fjalët, por fjalët nuk e thonë dot sa shumë mungon e sa shumë dhemb ikja jote, çdo ditë. Do të të dua gjithmonë Adela ime. Jam i bekuar që të njoha e të pata afër për shumë vite. Në çdo jetë do të zgjidhja një shoqe për motër si ty”, shkruan ai.
Sipas mjekëve, shkaku i vdekjes ka ardhur për shkak të një sëmundjeje të rrallë, e quajtur kardiomiopati, që prek muskulin e zemrës, duke dëmtuar strukturën apo funksionin e barkusheve dhe sjell dobësimin e zemrës. Sipas mjekëve, kjo ka sjellë mosfunksionimin e zemrës dhe më pas vdekjen e 31-vjeçares.
