Brad Pitt ka 6 muaj i lidhur me arkitekten dhe profesoreshën e mirënjohur, Neri Oxman.
“Daily Mail” shkruan sot se dyshja janë lidhur që nga vjeshta e kaluar, pasi aktori vizitoi laboratorin e medias ku punon arkitektja. Lajmi i referohet një fotoje të publikuar në nëntor 2017, ku aktori shfaqet bashkë me një grup vajzash që punojnë me Oxman.
Yllin e Hollivudit, 54 vjeç dhe arkitekten 42-vjeçare izraelito-amerikane, duket se i bëri bashkë një projekt për Institutin e Teknologjisë së Massachusetts. Aktorit i kishin rekomanduar arkitekten Oxman, si njerium e duhur për të bashkëpunuar në një projekt arkitekturor për të cilin ai po punonte.
Një koleg i Oxman-it e përshkroi Oxman si një ‘gjeni dhe femër e mrekullueshme’ për revistën “People”.
“Brad dhe Neri e pëlqyen menjëherë njëri-tjetrin, sepse ata ndajnë të njëjtin pasion për arkitekturën, dizajnin dhe artin”, tha një burim. “Kjo përshkruhet më mirë si një miqësi profesionale”, vijoi ai.
Burimi shtoi se miqësia nuk ka lulëzuar ende në një romancë, por ka potencial:
“Miqësia e tyre nuk është shndërruar në romancë … pasi të dy janë të kujdesshëm dhe kjo është, përsëri, një miqësi profesionale, por Brad është shumë i interesuar të kalojë më shumë kohë me Nerin, ajo është tërheqëse”.
Oxman është pedagoge në MIT Media Lab, ku themeloi dhe drejton grupin Mediated Matter. Ajo ka qenë e martuar më parë me kompozitorin argjentinas, Osvaldo Golijov.
Arkitektja është gjithashtu një artiste e afirmuar me veprat e saj të paraqitura në koleksionet e MoMA, Qendrën e Parisit Georges Pompidou, Muzeun e Arteve të Aplikuara të Vienës dhe Muzeun e Arteve të Bukura të Bostonit dhe Muzeun e Shkencave.
