Make-up-i është padyshim një nga gjërat më të rëndësishme për ne femrat. Idealja do të ishte që ai të qëndronte gjatë në mënyrë që të mos e aplikonin atë disa herë në ditë. Por, kjo varet shpesh nga cilësia e make-up-it që përdorni. Më poshtë do t’ju japim disa këshilla të thjeshta në mënyrë që ta bëni make-up-in të zgjasë për orë të tëra.
1.Mbani lëkurën tuaj të pastër
Në mënyrë që make-up-i të zgjasë më shumë, ju duhet ta mbani lëkurën e pastër. Qelizat e vdekura të lëkurës dhe sipërfaqja e saj me vaj mund ta zbehin fondatinën. Kështu, duhet të aplikoni ndonjë mbrojtës ose hidratant para se të aplikoni fondatinën. Nëse e aplikoni në lëkurë të thatë, ajo bie brenda pak orësh.
2.Përdorni një primer (fiksues make-up-i)
Një primer vepron si një bllok midis lëkurës dhe fondatinës. Përthith yndyrën e lëkurës dhe e lejon atë të marrë frymë. I jep po ashtu edhe një ton të lehtë lëkurës.
3.Fondatina është baza
Baza e makeup-it është fondatina, ndaj duhet ta aplikoni shumë mirë me një furçë sintetike. Shtypeni butësisht në mënyrë që të fiksohet siç duhet dhe të qëndrojë sa më gjatë. Duhet të përdorni një lloj pudre pluhur ose me cilësi të mirë, sepse ajo arrin ta mposhtë edhe djersën.
4.Lagni buzët para se të aplikoni shkëlqyesin
Shkëlqyesit e buzëve nuk qëndrojnë gjatë dhe në këto kushte, ato që janë mat janë alternativa më e mirë. Por, para se ta aplikoni në buzë sigurohuni që t’i lagni ato fillimisht me pak ujë. Mund t’i ruani edhe në frigorifer, sidomos në ditët e nxehta.
5.Bëjeni bojën e vetullave të qëndrojë më gjatë
Në mënyrë që boja konturuese e vetullave të qëndrojë me gjatë, aplikoni një shtresë dhe më pas lëreni të thahet. Pastaj aplikoni një shtresë të dytë dhe kështu ajo do të rezistojë gjatë gjithë ditës.
6.Akull për një make-up rezistent në dimër dhe verë
Kjo këshillë është që make-up të qëndrojë gjatë(kryesisht për fytyrat e yndyrshme dhe jo vetëm).Pasi të keni larë fytyrën tuaj si zakonisht me scrub apo larësin tuaj të zakonshëm ,thajeni mirë. Shpëlarjen bëjeni me ujë të ftohtë. Pas 5 minutave me një kub akulli masazhoni fytyrën për 3minuta. Kjo do të sjell një forcim të fytyrës, balancim të yndyrës .Të jeni të sigurta që make-up do të qëndroj më gjatë.
