Ndërsa jeni duke provuar çdo laps të mundshëm, xhel apo pluhur për të mbushur vetullat, ndoshta duhet të keni dëgjuar për teknikën “microblading”, një zgjidhje më e përhershme për rimodelimin e vetullave. Kjo teknikë nuk është aq e frikshme, sa mund të tingëllojë dhe për më tepër është një nga zgjidhjet që shumë femra shqiptare e kanë përqafuar.
“Microblading” është një formë tatuazhi.
Ndryshe nga një tatuazh i rregullt, “mikroblading” është një formë e artit të tatuazhit ku pigmenti futet nën lëkurën tuaj me një mjet manual, në vend të një makine. “Imitoj qimen e vetullës edhe pse nuk është aq i thellë sa tatuazhi i rregullt, është ende një tatuazh sepse pigmenti hynë nën lëkurë”, thotë një specialiste amerikane e kësaj teknike, Piret Aava.
Duhet të përgatiteni
Nëse preferoni alkoolin, pini aspirin apo qetësues të tjerë mos i konsumoni një javë para trajtimit. “Qetësuesit e bëjnë lëkurën tuaj të hollë dhe për këtë rrjedh më shumë gjak. Shmangni holluesit e gjakut, aspirinën dhe alkoolin”.
Nuk dhemb (shumë)
Dhimbja është relative. “Disa ndjejnë më shumë se të tjerët. Në përgjithësi ndjehen si gërvishtje të vogla, por nuk është e padurueshme, nuk është sikur të të jesh duke lindur”, thotë Aava.
“Microblading” merr kohë
Procesi mund të zgjasë edhe 2 orë.
Kujdesi pas saj është thelbësor
Kjo do të thotë që duhet t’i mbroni vetullat nga lagështia, djersitja gjatë ushtrimeve apo mos të lani fytyrën me ujë. Vazelina mund ta ulë skuqjen dhe acarimin. Ngjyra do të duket më e theksuar në fillim, por do të zbehet me 30-40% më pas.
Rezultatet zgjasin deri në 3 vjet
Në varësi të lëkurës dhe mënyrës së jetesës, klientët e Aave kthehen për ndërhyrje një herë në gjashtë muaj.
Burimi: Elle
