Një histori e bukur dashurie mund të quhet ajo e aktorit të njohur shqiptar, Skënder Sallaku me gruan e tij Vitore Rasha.
Kjo e fundit ishte e ftuar sot në emisionin “Rudina” për të folur për një moment special kur bashkëshorti i ndjerë e propozoi në skenë, në sy të të gjithëve.
Vitore shprehet se Skënderi ishte një njeri që bënte tepër shaka, dhe në atë moment iu duk se po vijonte me ato të tijat, por jo.
Ai i kërkoi të martohet dhe ajo tha po para të gjithëve duke i dhënë fjalën.
“Ai mbaroi numrin e tij dhe zakonisht largohej nga skena sapo hyja unë. Atë ditë qëndroi dhe më pyeti “A do të martohesh me mua”? E bëri si shaka, por në fakt e kishte me të vërtetë. Edhe unë i thashë “Po”. Por ai s`doli nga skena, qëndroi poshtë tavolinës. Unë s`e kisha menduar kurrë se mund të ishim më shumë se kolegë. Kaluam 52 vite bashkë”, tregoi Vitoria.
