Teksa po numërojmë mbrapsht ditët deri në sezonin e verës, ajo që na shkon në mendje është pyetja: Çfarë të veshim?
Vera është ajo stinë që të ofron opsione pa fund stili, kombinimi dhe ngjyra. Por cilat veshje janë trend i verës 2018? Çfarë atlete veshin të gjitha fashionistat? Po syzet?
Ne po ju sjellim sot 5 veshjet dhe aksesorët që i ka çdo fashionista shqiptare. Nëse ende nuk keni bërë “shopping”, jeni në kohë për disa këshilla nga Iconstyle.al:
1.Fustani i bardhë
Fustani i bardhë është për ato femra që duan të vihen re. Ai zëvendëson mjaft mirë fustanin e vogël të zi këtë verë dhe është perfekt për çdo rast, qoftë një event në drekë apo një dalje në darkë me miqtë. Lori Hoxha dhe Angela Martini sjellin disa versione mjaft me stil për këtë verë.
2.Bluza me logo
Gucci! Burberry! Balenciaga! Versace! Bota e modës ka risjellë logot në veshje dhe aksesorë për pranverë / verë 2018. Vetëm se nuk duhet të harroni: Sa më e madhe të jetë logo, aq më e guximshme dhe më e bujshme do të jeni.
3.Atletet e bardha
Kur vjen puna për t’i veshur atletet e bardha nga përditshmëria te daljet në darkë, atëherë mund t’ju themi që kombinimi nuk përbën aspak një problem. Nëse keni një paraqitje “casual” apo diçka më festive, nuk ka rëndësi. Elvana Gjata i vesh atletet me një kostum, por i vesh edhe me një fustan elegant. Mbajeni mend: Atletet e bardha do të jenë shpëtimi ynë këtë verë.
4.Syzet
Syzet “Matrix” janë kthyer në aksesorin e preferuar të fashionistave shqiptare. Të bëjnë të dukesh unike, pavarësisht se mund të kesh një veshje “casual”. Dhe çuditërisht shumë nga fashionistat shqiptare i kanë një palë të tilla dhe ju shkojnë tej mase. Modeli i syzeve i prezantuar fillimisht nga Balenciaga, na çon në vitin 1999 dhe na kujton filmin e njohur “Matrix”.
5.Veshje ose aksesorë bardhezi
Aksesorët apo veshjet bardhezi, me pika ose me vija, janë gjithashtu një trend i verës 2018. Këtë tendencë e kemi parë anë këpucët e blogeres Estela Ujka, apo në fustanin e fashionistas Irena Kita dhe duhet ta keni dhe ju me patjetër një të tillë për t’u dukur me stil.
