Ato janë dy nga këngëtaret me zërin më të veçantë në tregun muzikor shqiptar, ndaj dhe bashkëpunimi me këngën “Uh baby”, pati shumë sukses. Bukuroshet Xhensila Myrtezaj dhe Kida sollën një ndër hitet e këtij fundviti duke kapur mbi 4,5 milionë klikime në vetëm dy javë.
Por ajo që spikati në klipin e ri ishin tendencat e reja të modës që sollën dy vajzat, nga buzët me xixa, veshjet velvet apo me thekë dhe xhupi i fryrë, apo pellushi. Më poshtë mund të shini pesë trendet e reja të modës sipas stilit të Xhensilës dhe Kidës.
Tonaliteti rozë i syve
Një tonalitet rozë në sy, i njohur si Pink eye, është trendi më i fundit i makijazhit që po përdorin rëndom femrat më të famshme të ekranit. Ky tonalitet ka filluar të praktikohet nga shumë prej make up artistëve dhe do të jetë gjerësisht i përdorur gjatë këtij muaji të fundit të vjeshtës, por edhe për festat e fundvitit.
Xhupat e fryrë stil Rihanna
Xhupat “dad” ( babait) janë një trend i ri që përfshin veshjet, si xhaketa bomber e stilit të vjetër, xhupin e fryrë që mund të vishen me rroba sportive po jo vetëm. Rihanna, Drake, Balenciaga apo celebrities të tjerë e kanë veshur këtë xhup që është kthyer në trend të këtij dimri.
Çizmet e gjata
Dizajne të reja të çizmeve të dimrit edhe ato të gjata deri në pjesën e kofshës janë pjesë e koleksionit më të fundit të Rihanna-s, e cila është frymëzuar nga JLO, në klipin “I ain’t your mama”.
Veshjet kamosh dhe me thekë
Veshjet kadife dhe me thekë janë trendi më i njohur i këtij sezoni, që lidhet me vitet ’70. Mund të jetë ndoshta sezoni i tretë që kadifeja është e pranishme në koleksionet e modës së lartë. Mund ta shohim në Givenchy, Fendi, Chanel, Chloe, Armani etj.
Buzët me xixa
Nuancat e errëta të ngjyrës vishnjë apo dhe buzët me xixa, janë një tjetër e makijazhit të femrave. Buzët me xixa janë kthyer ne një tendence duke qenë prezent në shumë sfilata ku modelet kane sfiluar.
Burimi: ICONstyle
