Të gjithë e dimë që me kalimin e kohës çdo lidhje e humbet magjinë e saj dhe domosdoshmërish fillon të bëhet e mërzitshme, por nëse dy persona duhen vërtet ata duhet të punojnë që disa gjëra t’i bëjnë të funksionojnë dhe sigurisht që kjo gjë të bëhet realitet duhet të dini që ju duhet të pranoni 5 të vërteta universal, të cilat do e bëjnë lidhjen tuaj më të shëndetshme dhe më jetëgjate.
Nuk ekziston njeriu i ‘duhur’
Disa njerëz janë ende singel sepse mendojnë se ende nuk e kanë takuar të duhurin e famshëm. Por ju duhet të dini se një person i tillë nuk ekziston. E vërteta është se në botë ndodhet dikush që ju e zgjidhni për të ndërtuar diçka bashkë. Mund të ketë patur më shumë se një person me të cilin mund të kalonit jetën, por ju zgjodhët pikërisht këtë. Në momentin që keni bërë zgjedhjen, punoni pët t’u përshtatur më mirë me njëri-tjetrin.
Ashtu siç do të vijë, pasioni do të zhduket papritur
Ti dhe partneri juaj nuk do të shihni gjithnjë shkëndija zjarri mes jush. Sepse pasioni zbehet në periudha të ndryshme të lidhjes dhe këtu s’ka asgjë për tu frikësuar. Gjithsesi nëse doni, mund të mendoni diçka për ta ringjallur sërish. Qëndroni më shumë bashkë dhe bëni durim.
Ndonjëherë ti do të ndihesh e mjerueshmja e lidhjes
Lumturia totale nuk ekziston, aq më tepër në një marrëdhënie. Ndodh që shumë njerëz të zhgënjehen për shkak se pritshmëritë e tyre janë shumë larg realitetit.
Ti dhe partneri yt jo gjithnjë do të përputheni
Një mendim i frikshëm është se njeriu me të cilin sot je më shumë se e lumtur mund të mos jetë ai me të cilin do të jesh e lumtur për jetë. Ok, tingëllon e trishtë kur je e dashuruar por është e vërtetë. Ndonëse përputhja juaj mund të jetë perfekte, asnjëherë nuk ka garanci se kjo përputhje do të vazhdojë përjetë.
Sa më e pashkolluar të jesh, aq më shumë shanse ka të shkosh drejt divorci
Sipas një studimi të publikuar në Business Insider, njerëzit që janë relativisht të pashkolluar kanë më shumë gjasa t’i përfundojnë në divorc martesat e tyre. Nëse zgjedhin të mos ndahen, do të jenë të pakënaqur nga jeta martesore. Kjo ndodh sepse përditshmëria në kohët e sotme është shumë stresuese dhe mirëqënia luan një rol thelbësor.
