Ashtu si industria e veshjeve për meshkuj po rritet, e njëjta gjë po ndodh edhe me botën e berberëve.
Jemi në një kohë kur stilet e flokëve ndryshojnë shumë shpejt, kështu që nëse doni të ecni me hapin e kohës për tendecat e flokëve në 2017-2018 duhet të dini këto stile.
Këshillat vijnë nga Sam Hickey, një prej berberëve më të mirë në Londër.
1. Ngrini një tufëz nga flokët
Siç njihen ndryshe cullufet kanë ardhur dhe kanë ikur nga moda gjatë viteve. Me ardhjen e këtij trendi ju mund t’i stiloni sipas dëshirës. Mjafton që mos të duken të ngurta dhe sa më natyrale.
2. Stili bob
Ndërsa pamë vitin e kaluar që rritja e flokëve hyri shumë në modë, këtë vit flokët e prerë sipër shpatullave do të jenë më të pëlqyerit. Për një pamje sa më të rregullt, të pastër dhe të shkëlqyer.
3. Stili i ngjashëm me të ushtarëve
Prerja e flokëve të shkurtër për pranverën e këtij viti është quajtur “ushtarak”. Pjesa e pasme e flokëve qëndron ngjitur pas kokës, ndërsa pjesa e përparëme e flokëve është pak më e gjatë. Ky stil do t’i qëndrojë kohës dhe është shumë i lehtë për t’u realizuar.
4. Ndarja e flokëve
Stili i frymëzuar nga vitet 1960 ka qenë ndër më të kërkuarat sezonet e fundit dhe do të vazhdojë. Ky stil vlen më shumë për ata djem që kanë flokë të shpeshtë dhe të trashë.
5. Stili natyral
Ky është një ndër stilet që kemi parë së fundmi në sfilatat e modës. Është shumë i thjeshtë për t’u arritur dhe shumë i shpejtë për përditshmërinë tuaj. Mjafton të lagni pak flokët për të krijuar një ngritje natyrale.
Burimi: Style Syndicate
