Gjoksi është një ndër pjesët e trupit tonë që nuk ka muskuj. Rënia e tij është një proces natyror që ndodh kur gjoksi humbet fleksibilitetin dhe elasticitetin. Ky është edhe një ndër sikletet më të mëdha të femrave.
Fenomeni i rënies së gjoksit në përgjithësi nis pas të 40-ave, por që nuk përjashton edhe rastet kur ndodh më herët. Shtatzënia është një ndër faktorët kryesorë që ndikon në rënien e gjoksit. Përveç saj, shkaktarë të tjerë mund të përmendim menopauzën, humbjen apo marrjen e peshës në mënyrë të shpejtë etj.
Por pavarësisht kësaj situate, e cila ngre alarmin tek shumë femra, ka gjithmonë një zgjidhje. “Bright Side” ka zbuluar disa mënyra natyrale që forcojnë gjoksin, i japin formë dhe, më e rëndësishmja, e mbrojnë atë.
Larja me ujë të vakët
Dushi me ujë të vakët mund të mos jetë i preferuari për shumë prej jush, megjithatë është i rëndësishëm për tonifikimin e lëkurës. Në këtë rast mund të aplikoni edhe kubikë akulli ose garza të lagura në gjoks.
Mbajeni shpinën drejt
Kërrusja e bëni gjoksin të duket aspak tërheqës, si dhe dobëson muskujt e gjirit. Përpiquni t’i mbani shpatullat gjithmonë drejt. Ky veprim tonifikon muskujt dhe e bën më të bukur pamjen tuaj të jashtme.
Mos ushtroni presion në gjoks
Përpiquni mos të flini me bark dhe zgjidhni gjithmonë reçipetat e duhura. Reçipetat që duket sikur ngrenë gjoksin dhe e bëjnë atë më tërheqës, në fakt vetëm e dëmtojnë atë. Në këtë rast nuk do të ndiheni rehat dhe pengoni qarkullimin e gjakut në gjëndrat limfatike.
Zgjidhni reçipetat e duhura kur merreni me sport
Kurrë mos vraponi apo të hidheni në litar pa reçipetat e duhura për sport. Ushtrimet fizike janë të mira për trupin, por mund të jenë të dëmshme për gjoksin nëse nuk vishni reçipetat e duhura.
Përdorni krem mbrojtës kundër diellit
Abuzimi me nxirjen, sidomos pa përdorur krem dielli, çon në tharje të lëkurës dhe humbje të elasticitetit të saj. Dalja “topless” në plazh nuk është ide e mirë nëse doni të ruani format e gjoksit.
Burimi: Bright Side
