Kur flitet për elegancë dhe sjellje femërore është gati e pamundur të mos mendosh për Julia Roberts në filmin “Pretty Women”, me stilin e saj të veçantë duke ecur në rrugët e Los Angeles…
Duhet të jesh ambicioze dhe tepër optimiste për të arritur këto lloj nivelesh, por fantazisë nuk mund t’i vesh limite. Ta provosh është një e drejtë dhe detyrë për cilëndo femër.
Pra një figurë pak a shumë reale si Julia Roberts, mund të bëhet burim frymëzimi për të ëndërruar.
Sa për të filluar, duhet një sjellje e bukur, por natyrisht me gjest ideal femëror…
Hapat:
Për të qenë një modele është e nevojshme t’i dedikohesh kujdesit të sjelljes dhe duhet kujtuar që vetëm bukuria pa elegancën, nuk ka vlerë… Premisa është një domosdoshmëri që vetëm studimi nuk është i mjaftueshëm nëse nuk plotësohet me praktikë, përvojë dhe vetëbesim sepse sjellja është kryesisht një teknikë…
Pikat kryesore për një qëndrim sa më të mirë dhe të drejtë të trupit gjatë sfilimit janë: koka, supet, pjesa e fundshpinës dhe këmbët…
1.Mund të fillohet nga shikimi i cili duhet të jetë shumë shprehës dhe të ketë një pikë referimi. Para së gjithash modeli apo modelja duhet të shkëputet nga ambjenti që e rrethon dhe në një farë mënyre duhet të tërheqë vëmendjen me veprime që e bëjnë të duket pak misterioz, kjo edhe për vetë karakterin komercial që puna ka. Në fakt gjatë sfilatave do të ketë shumë fotografë që janë në kërkim të veshjeve të bukura që edhe interpretohen nga vetë modelet
Për fotografët një shkrepje e aparatit drejt një modeleje me një shikim drejtuar poshtë dhe fytyrë të lodhur, nuk është asnjëherë e kënaqëshme. Prandaj sytë duhet të jenë gjithmonë të hapur mirë, me një shprehje somatike të relaksuar që nuk lë vend për emocione…
Vazhdoni të ecni me kokën lart sepse spektatorët duhet të shohin fytyrën tuaj. Koka dhe shpatullat duhet qëndrojnë pa lëvizur dhe shumë drejtë, me gjoksin përpara dhe barkun brenda, ndërsa pjesa tjetër e trupit valëzon përpara në pasarelë për të dhënë një ndjenjë autoriteti dhe sigurie…
2.Krahët janë një tjetër pjesë e rëndësishme gjatë të sfiluarit. Për të ushtruar sa më mirë, merrni një rrip lidhini duart mbrapa si në foto. Ushtrohuni në këtë mënyrë derisa të ndiheni të sigurtë që krahët nuk do të lëvizin në mënyrë të pakontrolluar. Duhet patur kujdes me krahët pasi duhet të jenë të relaksuar dhe të lëvizin në drejtim të kundërt me atë të këmbëve, duke bërë kështu që supet të duken më të mëdha dhe estetikisht më funksionale.
3.Beli është e vetmja pjesë e trupit që duhet të lëvizë më shumë se zakonisht dhe lehtësisht majtas-djathtas. Do duhet praktikë për t’a arritur këtë në mënyrë natyrale.
4.Këmbët… Hapi duhet të jetë i gjatë dhe impresiv, sikurse kalërimi i një kali. Çdo hap duhet ta ngrejë këmbën nga toka (duke përkulur gjurin) pa e shtrirë. Hapi duhet të jetë i gjatë, por pa e tepruar, përndryshe ecja bëhet më e ngadaltë dhe e ngathët. Në mënyrë absolute duhen evituar hapat e vegjël dhe të shkurtër. Kështuqë duhet të merret në konsideratë një hap i madh i cili duhet të jetë në të njëjtën kohë elegant dhe i vendosur.
5.Imagjinata të krijon një fantazi e të duket sikur po ecën mbi një litar, ku në fillim vendoset thembra, shputa dhe në fund pjesa e gishtërinjve. Për një ecje sa më të sigurtë…
Kur keni mbërritur në krye të pasarelës, ndaloni për 4-5 sekonda. Më pas për të vijuar rrotullimin, nxirrni këmbën e djathtë përpara duke u rrotulluar nga e majta. Pjesët e trupit vijnë në linjë, njëra pas tjetrës, deri tek koka që është pika e fundit që ju do lëvizni përpara se të ktheni plotësisht supet…
