Motivimi i njëri-tjetrit është ndër më të rëndësishmet në marrëdhënien tuaj. Duhet të dini se personi që keni në krah është ai që duhet t’iu mbështesë për çdo gjë dhe të bëni të njëjtën gjë për të.
Ja disa këshilla si të motivoni partnerin/partneren tuaj nëse ndodhen në vështirësi me karrierën e tyre:
1.Gjeni arsyen e shqetësimeve të tij
Një nga gjërat e para që duhet të bëni për të mbështetur partnerin/partneren është të kuptoni arsyen e trishtimit dhe shqetësimeve. Mos e kritikoni pa i kuptuar mirë arsyet që kanë ndikuar në situatën në të cilën ndodhet.
2.Vlerësoni hapat pozitiv që ndërmerr
Nëse e kuptoni që partneri/partnerja po bën përpjekje për të dalë nga situata në të cilën ndodhet, mos u tregoni shumë kërkuese duke i listuar gjërat që ende nuk ka bërë për ju apo detyrimet që ka për të kryer. Mundohuni të vlerësoni dhe falënderoni atë për çdo hap që bën, në mënyrë që të ndihet i motivuar për ta kaluar situatën e vështirë në të cilën ndodhet.
3.Nxirrni në pah suksesin
Nëse partneri/partnerja juaj ndihet i/e demoralizuar, ndihmojeni atë duke i nxjerrë në pah arritjet dhe suksesin që ka arritur deri në atë çast. Fjalët që do t’i thoni do ta motivojnë shumë.
4.Mos i bëni presion
Nëse partneri/partnerja juaj ndodhet në një situatë të vështirë, mundohuni të mos i shprehni pakënaqësitë tuaja dhe t’i bëni vazhdimisht presion se nuk po ju kushton vëmendjen dhe kohën e duhur. Kini parasysh se ky është çasti kur ka nevojë për ndihmën tuaj. Për këtë arsye duhet të keni durim dhe të tregoni mirëkuptim.
5.Këshilloni partnerin/partneren tuaj
Këshillojeni partnerin/partneren nëse ka probleme me punën, shoqërinë apo familjen, që të tregohen më të matur e t’i hedhin hapat në mënyrë graduale derisa të arrijnë objektivat e dëshiruar. Vetëm me shumë përkushtim dhe durim mund të ecet përpara.
