E ke menduar ndonjëherë cilat janë gjërat pa të cilën nuk mund të bësh dot? Nëse po, kemi një përshtypje se në krye të listës ka qenë celulari.
Nuk mund të lësh një dalje me shoqërinë pa të, nuk mund të organizosh një takim pune, të mbash shënime për gjërat që do të marrësh me vete në pushime apo të kujtosh ditëlindjen e fëmijës së shokut.
Ndaj jemi shumë të bindur (jo për gjë por e dimë si për veten tonë), se ka disa programe në telefon pa të cilin ndihemi të humbur. Nuk e kemi fjalën për aplikacionet e rrjeteve sociale, po për ato programe që na kanë lehtësuar jetën dhe jemi shumë të lumtur që ekzistojnë.
1.Harta
Në një vend si Shqipëria, kur nuk mund t’i mbash shpresat gjithmonë te sinjalistika rrugore, të vjen gjithmonë në ndihmë një hartë. Veçanërisht atyre që synojnë turizmin dhe janë gjithnjë të guximshëm për të eksploruar vende të reja që nuk ekzistonin të territorit shqiptar, iu nevojitet të kenë një aplikacion si “Welcome Albania”.
Aplikacioni jep mundësinë të shihni në mënyrë virtuale të gjitha qytetet turistike, hotelet, restorantet, baret, pikat e shërbimit dhe monumentet e kulturës në vendin tonë. Mund të klikoni në http://www.welcomealbania.com për të eksploruar të gjithë Shqipërinë nga veriu në jug. Për ta pasur në celularin tuaj, nëse keni Android mund ta gjeni si aplikacion për Android dhe iOS.
2.Aplikacioni për porositjen e ushqimit
Nëse deri më dje thuhej se shqiptarët janë të fiksuar për të qëndruar nëpër restorante apo kafene, ka disa aplikacione që kanë ndryshuar jetën tonë. Një prej tyre është “SnapFood”, aplikacioni i porositjes së ushqimit online. Në këtë mënyrë mund të shmangim uljen nëpër bare, duke hedhur pas krahëve traditën “famkeqe”.
Së fundmi është përhapur shumë ngrënia në ambientet e punës, pasi kursehet më shumë kohë dhe të shijon më shumë kur je me njerëz. “SnapFood” mund ta shkarkoni për iOS në App Store (kliko këtu) dhe Android në Play Store (kliko këtu), për të mos patur më dilema se çfarë të hani apo ku të uleni.
Mjafton të zgjidhni ushqimin tuaj të preferuar, të bëni porosinë dhe do të njoftoheni nga korrieri kur të vijë në punën ose shtëpinë tënde.
3.Lojërat hipnotizuese
Kur doli celulari Nokia 3310 të gjithë u fiksuam me lojën e famshme të gjarprit. Me evoluimin e teknologjisë, lojërat janë bërë më të zhvilluara, por synimi mbetet i njëjtë: të shtyjmë kohën. Mos na paragjykoni!
Radhët e gjata apo oraret e pritjes për urbanët janë të pashmangshme, kështu që lojëra si “Tample Run” apo “Candy Crush” janë shpëtimi ynë.
4.Notes (Shënimet)
Të gjithë kemi në telefon një program me emrin “Notes”, që e përdorim si një bllok shënimesh. Nuk duam të paragjykojmë as veten, por rregullsia nuk është pika më e fortë e shqiptarëve. Doni një sekret?! Me siguri aty do të gjeni të groposur diku thellë listën e “password”-eve të Facebook-ut, Instagram-it, etj, të të dashurës/dashurit.
5.Kalendari i ditëlindjeve
Shqiptarët njihen si një popull shumë i lidhur me fisin, shoqërinë dhe ndaj nuk është aspak mirë të harrosh të urosh për ditëlindje as kushërirën e tretë. Ndoshta do të thoni që këtë punë e bënë Facebook-u? Po fëmija i shokut tënd që nuk ka profil?! Ja që “Reminders” po na shpëton jetën.
