Dhoma juaj e gjumit është streha juaj, kështu që është shumë e rëndësishme ta mbushni me gjërat që doni. Të gjithë mezi presim të shtrihemi në “krevatin tonë të dashur”, pas një dite të lodhshme pune.
Nga dysheku i rehatshëm të jastëkët, ka 5 gjëra që janë “must” për dhomën tuaj të fjetjes.
1.Tapeti i rehatshëm
Nuk ka asgjë më të mirë se sa të çoheni nga krevati në mëngjes dhe këmbët të zhyten në një tapet të butë dhe prej pelushi. Sjell shumë ngrohtësi dhe është një mënyrë që ju fton të nisni ditën, kështu që është një “must” për dhomën e gjumit. Përveç kësaj tapeti strukturon të gjithë dhomën tuaj.
2.Guverdë cilësore
Mund të duket e çuditshme të mendoni se një të tretën e jetës suaj e shpenzoni duke fjetur. Rreth 25-30 vite! Për këtë arsye duhet të keni një shtrat cilësor. Shpenzoni para në çarçafë dhe mbulesa që të jenë sa më të buta.
3.Sasia e duhur të jastëkëve
Një nga gabimet më të mëdha në dizajnë që shohim në dhomën e gjumit është numri i vogël ose më i madh seç duhet i jastëkëve. Ju doni që krevati juaj të duket i kushtueshëm, por nuk doni që të shpenzoni 20 minuta në rregullim. Katër deri në gjashtë jastëk funksionojnë mirë, duke u plotësuar me disa jastëk me ngjyra ose copa të ndryshme.
4.Një vend për t’u ulur
Megjithëse kjo mund të duket e qartë, shumë njerëz harrojnë të përfshijnë një vend për t’u ulur, ndërsa dizajnojnë dhomën e gjumit. Zgjidhni një karrige elegante ose një stol te këmbët e krevatit. Ndenjëset janë të mira për të lexuar, për t’u veshur, për të përdorur laptopin ose të flisni me një mik pa prishur krevatin.
5.Diçka që dashuroni
Një dhomë gjumi nuk është komplete pa një pjesë nga ju, kjo është arsyeja pse gjëja finale “must” lihet në dorën tuaj. Mund të jetë diçka artistike, një aksesor i bukur që e dini se do ta mbani gjithmonë ose thjeshtë fotografitë tuaja. Mbusheni dhomën me gjëra që ju inspirojnë dhe ju bëjnë të lumtur.
Burimi: Bloglovin
