Padyshim që të rrisësh një fëmijë është një përgjegjësi e madhe. Mirëpo edhe prindërit nuk janë të pagabueshëm
Këto janë disa nga gabimet e shpeshta që bëjnë prindërit, që në fakt duhet t’i shmangni me fëmijët tuaj:
Goditja dhe ndëshkimi
Goditja e një fëmije si një mënyrë për ta ndëshkuar, nuk do ta bëjë atë më të disiplinuar apo më të bindur. Sot, këto dy teknika janë të vjetëruara dhe kanë efekt të kundërt. Goditja e fëmijës suaj vetëm do t’i bëjë ata të kenë frikë nga ju, por nuk do t’i pengojë që të bëjnë të njëjtat gabime përsëri.
Argumentet dekurajuese
Nëse në një diskutim ju përfshini argumente dekurajuese, nuk do ta bëni fëmijën tuaj më pak rebel. Të veprosh si një autoritar para një fëmije nuk do të bëjë që ata t’ju vlerësojnë më shumë. Kjo lloj sjelljeje do të çojë vetëm në rritjen e tensionit mes jush dhe fëmijës. Mundohuni ta dëgjoni atë në vend që t’i kërkoni të heshtë.
Përdorimi i tepërt i pajisjeve elektronike që në moshë të vogël
Në ditët e sotme, fëmijët shpenzojnë shumë kohë duke përdorur pajisje elektronike, sepse për prindërit kjo është një mënyrë e mirë që i mban fëmijët të zënë. Sidoqoftë, edhe nëse përmbajtja e informacionit ndaj të cilit është ekspozuar është i përshtatshëm për fëmijët, telefoni nuk mund të jetë kurrë një zëvendësues i barabartë i aktivitetit fizik.
Kontrolli i tepërt
Të jesh prind do të thotë të jesh vazhdimisht i shqetësuar për sigurinë e fëmijës tënd. Sidoqoftë, duke qenë të fiksuar me çdo lëvizje të tyre, do të keni efekte negative dhe fëmija juaj mund të bëhet i pasigurt në vetvete.
Mosshprehja e dashurisë
Shprehja e urrejtjes në formën e abuzimit emocional ose fizik, si dhe mungesa e dashurisë, kanë efekt të dëmshëm në mirëqenien e fëmijës suaj. Kjo sjellje mund të dëmtojë arsyetimin dhe gjykimin e tij/saj.
Të jesh prind do të thotë gjithashtu të përpiqesh të kuptosh dhe t’i pranosh gabimet e tyre. Ju i mësoni fëmijët tuaj, por gjithashtu edhe ata ju mësojnë ju. Gjithmonë ka vend për përmirësim.
