Nëse jeni duke menduar të blini disa aksesorë të rinj, duhet fillimisht të mendoni se me çfarë veshjesh nga gardëroba juaj do t’i kombinoni.
Ka aksesorë që shkojnë me një veshje apo stil të caktuar, që mund të jetë klasike ose sportive, por gjithashtu ekzistojnë disa aksesorë që të lejojnë të eksperimentosh me lloje të ndryshme veshjesh apo ngjyrash dhe të japin mundësinë që të paraqitesh para botës me stilin tënd personal.
Edhe pse është e vështirë të gjesh ata aksesorë që ja dalin mbanë t’i mbijetojnë ndryshimit të sezoneve, ne po ju vijmë në ndihmë për të zgjedhur 5 aksesorë bazë të përshtatshëm për çdo lloj stili:
Syzet me skelet të tejdukshëm
Swatch ju vjen në ndihmë me syzet më në trend të momentit, “The eyes of Benno”. Skeleti i tyre i tejdukshëm është i kombinueshëm lehtësisht dhe forma e tyre e rrumbullakët është e përshtatshme si për veshjet klasike ashtu edhe për ato sportive.
Ora
Ora Furla Metropolis e prodhuar në Itali dhe me ngjyrën e bardhë dhe flori është një nga aksesorët që nuk do ta hiqni nga dora, pavarësisht ndryshimit të gardërobës. Ajo ndërthur elemetin e klasikës dhe sportives, duke u bërë e kombinueshme në çdo paraqitje.
Vathët
Vathët Crystal Soul nga Swatch, nuk do t’i hiqni nga veshi nëse i blini. Ato janë tepër praktik edhe ngjyra e tyre neutrale i bën lehtësisht të kombinueshëm në këtë sezon pranvere.
Çanta e bardhë
E kush nuk do ta donte një çantë që ta kishte për çdo kombinim. Çanta Furla Are Metropolis, është e përshtatshme me rripin e saj të gjatë. E prodhuar në Itali, dhe me konstruktin e saj katror, kjo çantë është e përshtatshme nëse vishet me një fustan me ngjyrë, si dhe me pantallona apo veshje sportive.
Kuleta Bezhë
Kuleta Furla Babylon Beige me një xhep të brendshëm dhe 6 hapësira për mbajtjen e kartave të kreditit është perfekte për këtë stinë. Pavarësisht nëse ndërroni çantën, kuleta nuk ka përse të ndryshojë. Ajo ka një rrip të vogël lëkure nëse doni që ta mbani në kyç.
Burimi: ICONstyle.al
