Këngëtarja shqiptare Dafina Zeqiri ka publikuar klipin e ri “Four seassons”, i realizuar në Shtetet e Bashkuara të Amerikës nga labeli i saj Nusense Music Group.
Klipi është i qetë dhe mjaft sensual, teksa Dafina shfaq linjat perfekte. Një paraqitje befasuese në klip bën edhe reperi me famë botërore, French Montana, i cili shihet në momente intime me Duffy-n.
Klipi u publikua një ditë më parë në iTunes në audio dhe më pas erdhi edhe si videoklip në Youtube. Për të ka shkruar edhe revista “The Fader”: “Në debutimin e saj në tregun amerikan, ylli në rritje sjell një këngë plot ndjenja. Dafina Zeqiri tashmë ka arritur të dominojë listat e muzikës pop dhe R&B në vende si Shqipëria dhe Suedia. Pas bashkëpunimit me producentin e talentuar Rick Stee, këngëtarja arriti të publikonte këngën e parë për tregun amerikan, ‘Four Seasons”.
Zeqiri kombinon elementët e përzierë me qiej të errët ndërkohë që flet për një partner të largët, rol i cili luhet nga reperi French Montana.”, shkruan revista njujorkeze.
Vetë Dafina ka folur për albumin duke e konsideruar atë si një fushë të re, ku i jepet mundësia të shprehë shumë nëpërmjet artit të saj.
“Tani ndihem gati të krijoj muzikën që kam dashur gjithmonë të bëj. Në momentin kur dëgjova pjesën e parë të muzikës, menjëherë më erdhi në mendje një marrëdhënie që ndryshon si stinët”, tregon ajo.
