Joe Jonas dhe Sophie Turner u bënë prindër për herë të parë në muajin korrik. Ata u bekuan me një vajzë, të cilën e pagëzuan me emrin Willa. Edhe pse ende nuk kanë shijuar mirë lindjen e saj, duket se dyshja po mendon që të bëjnë një fëmijë tjetër.
Një burim pranë tyre ka thënë për Us Weekly se Sophie dhe Joe po planifikojnë të zgjerojnë familjen e tyre. Sipas këtyre burimeve çifti i famshëm po tentojnë të bëjnë një fëmijë tjetër, vetëm pak muaj pas lindjes së vajzës.
View this post on Instagram
“Joe dhe Sophie po tentojnë të bëjnë një tjetër fëmijë. Ata janë shumë të lumtur për zgjerimin e familjes së tyre. Ata janë afruar akoma më shumë bashkë pas lindjes së vajzës dhe dëshirojnë të kenë një familje të madhe”, ka thënë burimi në fjalë.
Ndërkohë më herët persona të afërt të tyre kanë treguar se ata janë prindër mjaft të përkushtuar. Disa kanë treguar se Joe është shumë i kujdesshëm si baba dhe se përfshihet në gjithçka për të ndihmuar bashkëshorten e tij.
