Pas 4 muaj lutjesh nga banorët e zonës, është hapur më në fund rruga e Thethit.
Aksi rrugor Qafë Thorë–Theth është hapur këtë të mërkurë, pas shumë kërkesave të bëra nga banorët ndaj institucioneve përgjegjëse.
Aksi rrugorë Qafë Thorë–Theth ishte i bllokuar që prej muajit dhjetor të vitit të kaluar, ndërkohë që banorët deri tani kanë bërë rrugën në këmbë, që do rreth gjashtë orë për të shkuar në Shkodër, raporton Report Tv.
Thethi është një nga zonat më të kërkuara turistike në të katër stinët, dhe tani me ardhjen e pranverës do të fillojnë menjëherë vizitat nga turistë të huaj e shqiptarë.
