Video e reperit 21 vjeçar, Fero duke u sulmuar dhe dhunuar nga katër persona, ka që prej ditës së djeshme që qarkullon në rrjetet sociale.
Skenat e dhunshme na lanë pa fjalë deri në momentin që reperi i dhunuar foli për fansat dhe tha se është mirë dhe asgjë nuk i ksihte ndodhur fytyrës së tij.
Ai reagoi me një postim në rrjetin social Instagram duke pranuar se ka ndodhur dicka, pa dhënë detaje se kush kanë qenë 6 sulmuesit.
“Është rast i vërtetë mbrëmë çfarë ka ndodhur, po mua nuk më ka ndodhur asgjë, asnjë grusht fytyrës se kom ngrënë. Alltia nuk mbahet, po gjuhet. Fero prapë është mirë, prapë është gang gang dhe mua nuk mund të më ndalë askush. Mu duhet bomba nukleare me pas me më ndal”, tha ai.
Vetëm pak orë pas kësaj, Fero bëri disa postime në Instastory duke treguar se është në vendin e ngjarjes ku ndodhi sulmi dhe nuk i trembet askujt.
“Midis Prishtinës, para Grandit, Gang Gangu është këtu!”, tha ai.
Ndërkohë sot, më në fund është zbuluar personi që sulmoi Feron. Edhe pse ishte një “luftë” jo e barabartë për sa i përket numrit të përfshirëve në sherr, agresori vazhdon me ofendimet drejt reperit më të ri, Fero.
Bëhet fjalë për Ligrit Uka, i cili ka postuar një imazh nga videoja ku shihen 4 persona duke rrahur Feron dhe identifikuar veten në video ka vendosur një shigjetë që tregon se njëri prej tyre ishte ai vetë.
Pas kësaj deklarate pritet të merren masa për agresorin, i cili e pranoi vetë fajin.
