Pranojeni dhimbjen tuaj!
Gjëja kryesore që na mungon gjatë karantinës është shpërqendrimi, por ndërsa ai na ndihmon ta përballojmë dhimbjen, shpesh na pengon të pranojmë emocionet tona.
Mësoni se çfarë do të thotë të jesh pa partner dhe si ndikon kjo në vetë identitetin tuaj. Mos harroni se ju jeni ju, të lidhur ose jo; dhe keni qëllimet tuaja që ende mund të arrihen në kohë.
Përmirësoni shëndetin tuaj mendor përmes shëndetit fizik
Momentet e vetmisë intensive janë të pashmangshme, por gjetja e mënyrave të shëndetshme për të qenë i zënë në kohën tuaj ju lejon të merreni me veten, në vend që t’i dorëzoheni trishtimit.
Shikimi i filmave në Netflix nga shtrati me një tas me akullore duket joshës, por me siguri do të përfundoni duke ju marrë malli për marrëdhënien tuaj edhe më shumë. Vetëm disa aktivitete të shëndetshme do t’ju ndihmojë të kaloni kohën.
Praktikoni shpërqendrime të mendjes
Që kur filloi karantina, duket se gjithçka që kemi në ditët tona është koha. Dhe kalimi i kohës mund të jetë veçanërisht i dhimbshëm për dikë që është beqar kohët e fundit.
Megjithëse tundimi mund të jetë i vështirë për t’i rezistuar, shmangni përndjekjen e ish-it tuaj në internet me çdo kusht. Në vend që të lundroni nëpër Instagram ose Facebook, provoni të lexoni ose të shkruani. Kjo i jep trurit gjëra të tjera që të përqendrohet në mënyrë që të mos e gjeni veten duke u fokusuar në mendime negative.
Fokusohuni te gjërat pozitive
Të kalosh një ndarje gjatë kësaj kohe unike do të thotë të kesh hapësirë dhe distancë nga ish-i juaj, pa frikë se mos ndesheni me të në një festë ose në një kafene.
Shokët tuaj janë më të disponueshëm për video call dhe biseda më të gjata se kurrë. Edhe pse efekti izolues i karantinës mund t’i bëjë që këto lidhje të duken të mangëta, ju ende mund të rrethoheni me dashuri nga larg. Ju duhet të shëroheni dhe të ri-futeni në shoqëri në një kohë kur miliona njerëz po fillojnë të kuptojnë të ardhmen e tyre. Kjo situatë i vë gjërat në perspektivë.
/YourTango
