Mëngjesin e sotëm, puna e IKMT ka nisur me shembjen e hotel “Lubjana”, në qytetin bregdetar, i cili u shkatërrua nga tërmeti 6.4 ballë.
Puna për shembjen e këtij hoteli nisi mbrëmjen e kaluar, por u ndërpre dhe sot po vazhdon sërish.
Por puna ka nisur masivisht dhe janë forca të shumta që po pastrojnë qytetin nga rrënojat që la pas tërmeti.
Gazetarja Klodjana Haxhiaj tha për “BalkanWeb” se përveç IKMT, Bashkia e Durrësit sot ka zbritur masivisht në terren, duke aktivizuar 10 grupe inspektimi të përbërë nga inxhinierë, inspektorë, arkitektë, që po shohin nga afër të gjitha pallatet, për të bërë vlerësimin e tyre, nëse janë ose jo të banueshëm.
Aty po punohet në disa fronte për shembjen e ndërtesave dhe njëherësh edhe largimin e inerteve.
